Menu

El testu reconoz la deuda d'Asturies cola so xente nel esterior y pretende qu'estos ciudadanos d'Asturies puedan participar activa y realmente na construcción de la Comunidá Autónoma del Principáu d'Asturies. Como elemento xeneral d'especial importancia ta la búsqueda de la erradicación de desigualdaes qu'inda puedan persistir nel senu de dalgunes de les Comunidaes Asturianes que deberán adaptar los sos estatutos a los valores y principios de la Constitución Española y del Estatutu de Autonomía.

Francisco Javier García Valledor presenta una Proposición de Llei que reconoz la deuda d'Asturies cola so xente nel esterior

El testu reconoz los derechos sociales de los asturianos emigraos

Pasaron más de venti años dende la entrada en vigor del vixente marcu llegal pol que se rixen les comunidaes asturianes (Llei 3/1984 de 9 de mayu). Ye hora d'actualizar esta normativa p'adaptala a les necesidaes reales y a les reivindicaciones plantegaes polos asturianos y asturianes del esterior. Tamién ye necesaria la igua d'instrumentos pa interrelacionar la emigración asturiana histórica cola nueva emigración, principalmente xuvenil. El testu reconoz la deuda d'Asturies cola so xente nel esterior y pretende qu'estos ciudadanos d'Asturies puedan participar activa y realmente na construcción de la Comunidá Autónoma del Principáu d'Asturies. Como elemento xeneral d'especial importancia ta la búsqueda de la erradicación de desigualdaes qu'inda puedan persistir nel senu de dalgunes de les Comunidaes Asturianes que deberán adaptar los sos estatutos a los valores y principios de la Constitución Española y del Estatutu de Autonomía.

                Esta Llei tien como un de sus principales oxetivos facer partícipe a la nuesa xente nel esterior del  impulsu de lo social que se vien dando nel Principáu d'Asturies. Asina, queda reguláu tanto l'accesu a los derechos reconocíos como a les prestaciones a favor de los asturianos y asturianes del esterior. El títulu II de la norma propuesta regula los derechos que son reconocíos a los asturianos del  esterior y les prestaciones a les que pueden optar y ente los que s'alcuentren: Salariu Social Básicu, cobertura residencial a los emigrantes mayores y l'accesu a la vivienda, todo esto pa los retornaos; programes de ayuda económica a persones en situación d'emerxencia, cobertura sanitaria, plazes en residencies pa mayores y atención a les persones con discapacidaes, pa los asturianos y asturianes que vivan fuera d'Asturies.

            Igua de la figura del “asturianu o asturiana d'adopción”  que ye una de les principales demandes de los centros asturianos latinoamericanos que ven nes xentes non asturianes de los llugares onde s'alcuentren ubicaos, caberamente en xóvenes que tan involucraos nes sos actividaes sociales y culturales, la única oportunidá de mantener nel futuru viva l'asturianía nunos territorios que ya nun reciben emigrantes.  Esti reconocimienti simbólicu nun ye namás un actu de xusticia con quien siente Asturies tanto como la nuesa xente y que trabaya pol mantenimientu de las Comunidaes Asturianes, sinon tamién ye un acto de coherencia histórica d'una tierra que fue y ye abierta. Por últimu, ye un actu d'intelixencia d'una tierra que quier crecer y esparder la so cultura. “L'asturianía de adopción” ye una de les meyores y más xenuines espresiones de la xenerosidá que siempre carauterizó a Asturies.

            Por primer vegada, reconócese l'asturianía – por tantu l'estatus de Comunidá Asturiana- a les nueves entidaes d'emigrantes que nun tienen una organización territorial sino que tan organizaes según criterios sectoriales típicos de les sociedades del sieglu XXI: xuventú, afinidaes profesionales, xéneru, etc. Nesti casu tan entidaes como Asturianos en Madrid (ASMA), Asturianos en Bruseles (ASBRU) o la Xoven Asturianía Americana. Na sociedá actual, estes nueves comunidaes asturianes son necesaries pa reforzar a los tradicionales e imprescindibles Centros Asturianos.

Col oxetivu d'estabilizala y dotala de munchu mayor sofitu públicu, queda regulada la Escuela d'Asturianía que ye un de los programes más acertaos y esitosos de la política d'emigración del Principáu. Esti espaciu d'alcuentru y formación sobre la llingüa y la cultura asturianes ya ya imprescindible pal mantenimientu de les Comunidaes Asturianes.

Queda reguláu el Congresu Mundial d'Asturianía que, con calter cuatriañal, va cellebrase n'Asturies. Igua del Foru Virtual de los asturianos y asturianes nel esterior

Se refuerza el calcter consultivu del Conseyu de Comunidaes Asturianes incorporando a les organizaciones empresariales más representatives y al Conseyu de la Xuventú del Principáu d'Asturies.

Dase rangu llegal a los  Planes Integrales d'Emigración que deberán ser cuatriañales y definir los oxetivos y prioridaes de les polítiques de sofitu a los y les asturianos y asturianes nel esterior.

Queda regulade l'Axencia de la Emigración del Principáu como organismu encargáu de la xestión y coordinación de toles polítiques del gobiernu d'Asturies destinaes a la emigración asturiana.