El xefe del executivu asturianu pasa de dides poles cuestiones de capital importancia como la prórroga del presupuestu o la situación de minoría del gobiernu.
Un discursu autocomplaciente, más esmolecíu pola política nacional que polos problemes reales d'Asturies foi, A xuiciu de Gaspar Llamazares, la intervención del presidente Javier Fernandez con motivu del Añu Nuevu. Pal voceru d'IX na Xunta Xeneral del Principáu, el xefe del executivu asturianu pasa de dides, como si tratara d'una tema menor, poles cuestiones de capital importancia como la prórroga del presupuestu o la situación de minoría del gobiernu. "Conseyos doi, que pa lo mío nun tengo", resumió'l diputáu.
"Da la impresión de que Javier Fernandez considera que ye, primero de too, un dirixente del partíu socialista y un dirixente estatal, esmolecíu pola resultancia de les elecciones xenerales y pola política de diálogu. Sicasí, diz bien pocu de la situación d'Asturies: una situación de gobiernu en minoría y un presupuestu prorrogáu", señaló.
Pa Llamazares, Javier Fernández tendría d'ufiertar un discursu más críticu cola situación económico y social, menos "autocomplaciente" y más comprometíu al respective de la necesidá d'Asturies de tener un alcuerdu ampliu d'esquierdes, tantu nel gobiernu como en futuru presupuestu.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies