El voceru d'IX sostien, ante un nuevu casu de sobredosis, que l'esmantelamientu de la UTE avanza de forma alarmante
Gaspar Llamazares, voceru parlamentariu d'IX na Xunta Xeneral, sostien, ante un nuevu casu de sobredosis na Unidá Terapéutico y Educativo de la prisión de Villabona, qu'ésti demuestra lo que yá sabíamos, “que'l mercáu de la droga ta desafranáu dientro de la cárcel y que l'esmantelamientu de la UTE avanza de forma alarmante”. Nesi sentíu la UTE, diz Llamazares, ye imprescindible pa la humanización y modernización de les cárceles y, sicasí, cuenta cola belixerancia de la dirección de la prisión y con una secretaría d'estáu que collabora nesi esmantelamientu.
Asturies tien que dar la voz d'alarma, de nuevo, por una situación desafranada y pol esmantelamientu sistemáticu de les unidaes terapéutica y educativa que son les que tienen les meyores ratios de reinserción y rehabilitación de les persones que tán na cárcel, alvierte Llamazares. Llamazares pide recuperar esa UTE y volver reincorporar a les ONG,s que fueron escluyíes por decisiones de la dirección de la cárcel y, dacuando inclusive, por decisiones compartíes poles autoridaes eclesiástiques.
El voceru parlamentariu d'IX acaba de rexistrar na Xunta Xeneral una Proposición Non de Llei na que busca, de nuevu, el sofitu mayoritariu pa espresar el sofitu a la UTE como modelu alternativu a la prisión tradicional; impulse xestionar ante les instancies competentes que sían necesaries pa revertir l'actual situación de devaluación y de deterioru de la UTE y garantícese la so estabilidá como reclama la Defensora del Pueblu en socesivos informes y encamientos, onde señala la necesidá de volver al modelu orixinal; impulse ante les instancies competentes el respetu a les ONG,s que collaboren nel funcionamientu de la UTE, garantizando la vuelta de los abogaos de la Fundación ADSIS, de la Presidenta de l'Asociación de Familiares y Amigos y del equipu d'investigación de la Universidá d'Uviéu, escluyíos pola dirección. A lo último, nesta PNL encamienta al Conseyu de Gobiernu a qu'impulse de manera urxente ante les instancies competentes la esixencia de responsabilidaes por aciu la destitución del actual director y anterior subdireutor de tratamientu pola so política d'acoso y valtamientu de la UTE.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies