Gaspar Llamazares, voceru parlamentariu d'IX na Xunta Xeneral, aseguró esta mañana que la prórroga y la recomposición d'una mayoría presupuestaria son dos asuntos de la mayor importancia pa la coalición.
Al so xuiciu'l Gobiernu “tien de ponese les piles” pa que l'alcuerdu que s'atayó l'añu pasáu, nun s'ataye pa los próximos meses y que la mayoría potencial d'izquierdes recompóngase. “Ye una responsabilidá fundamentalmente del Gobiernu, porque IX punxo tolo que pudo y el Gobiernu tien enforma que faer, por casu recomponer l'alcuerdu de financiamientu de comunidaes autónomes, o pa la reforma fiscal n'Asturies”, alvirtió'l diputáu d'IX. Al so xuiciu, eses seríen bases pa un alcuerdu sólidu d'izquierdes.
IX apuesta per un sitiu pa xestionar y controlar la prórroga, yá que ye necesario recordar que la prórroga ye un escenariu restrictivu y recuerda que se ta xestionando una prórroga basada nun alcuerdu de la llexislatura pasada. “Creo que ye necesario recuperar cuanto antes el diálogu fiscal y presupuestariu pa que sía posible un presupuestu de cambéu y social. Esi ye'l nuesu oxetivu”, puntualizó'l voceru d'IX.
IX tien yá fechu'l trabayu de contribuyir a un presupuestu d'izquierdes pa 2016, según Llamazares y son “otros” los que tienen d'esmolecese por llograr un alcuerdu si quier un presupuestu p'anguaño, anque tamién matizó que cuando la maquinaria de l'alministración asitiese na prórroga “ye bien malo de camudar”. “Si hai dalgún grupu que quiera sumase a esa negociación y alcuerdu, bienveníu. Hasta agora tuvimos solos nesa voluntá de diálogu. Si daquién acelera tanto, bienveníu sía. Hasta agora salvo cuestionar el marxe del gobiernu pa la prórroga, nun vi a naide nesta postura d'incorporar midíes al presupuestu nin tanto d'un presupuestu pa 2016. IX tien una posición negociadora y de diálogu y va a caltenela”, concluyó Llamazares.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies