Menu

El diputáu d'IX encamienta a Belén Fernández a instruyir un espediente ante la reincidencia de l'Autoridá Portuaria

Ovidio Zapico, diputáu d'IX d'Asturies, vuelve preguntar a Belén Fernández, Conseyera d'Infraestructures y Medioambiente, qué midíes tomó pa delimitar les causes de les nubes negres nel Musel cuidando qu'éstes síguense produciendo cada cuatro díes, como pasó esti pasáu sábadu. A IX paécen-y que sían cuáles sían estes midíes, la conclusión ye que, a les clares, son insuficientes. Ovidio Zapico, el diputáu responsable de medioambiente nel grupu parlamentariu alvierte de qu'esta fin de selmana Asturies nun taba ante una situación meteorolóxica escepcional y, poro, non puede dase por bonu qu'esta situación asoceda delles vegaes al añu.

L'Autoridá Portuaria de Xixón, diz el diputáu d'IX, tampoco puede refugar la so responsabilidá pola qu'encamienta a Belén  Fernández a instruyir un espediente nesta situación  de reincidencia.

IX tamién pregunta por escritu al departamentu de Medioambiente cuáles son les causes poles que les midíes que fueron tomaes pol Conseyu de Gobiernu pola apaición de la nube de polvu de carbón el 24 de xunetu de 2015 nun fueron abondos pa prevenir la nube del 6 de febreru y, sía que non, dada la escasa efectividá de les mesmes, qué nueves midíes tien previstu adoptar pa prevenir nuevos casos de contaminación.

La coalición entruga tamién sobre si resolvió yá tolos espedientes sancionadores abiertos nel so día pela nube de xunetu y con qué resultáu. D'igual manera quier saber si abriéronse o tien previsto abrir espedientes pela nube negra del sábadu y frente a quién.