La coalición aboga por enllantar la cultura del consorciu de servicios pa optimizar recursos y dar cobertoria a los procesos de remunicipalización de servicios
La conseyera de Fomentu, Belén Fernández, adelantró esta mañana, a entrugues d'Ovidio Zapico, diputáu d'IX, que la meyora de les Directrices Subregionales d'Ordenación de la Área Central d'Asturies, van ser aprobaes pol conseyu de Gobiernu del Principáu la tercer selmana d'esti mes, pa darréu sometese a información pública. Estes directrices, como recordó'l diputáu d'IX, son frutu del alcuerdu de investidura y empiecen a movese dempués de munchos años de paralises”, como aseguró'l diputáu d'IX, por falta, sobremanera, de voluntá política.
Zapico resaltó qu'esta tien de ser un apueste significativu por un territoriu con un radiu de 30 kilómetros, onde viven 700.000 persones, un espaciu hasta agora non ordenada y ensin aprovechar sinerxes. “Ye necesario ordenar de manera racional el territoriu pa que se produzan les ventayes que sorrayen los espertos: aprovechamientu d'economíes d'escala, interconexiones, amenorgamientu de costos fixos, elevada especialización y respuesta rápida a los cambeos...”, esplicó'l diputáu d'IX. Tou esto nun puede ser impuestu, sinón con consensu y cooperación de los conceyos asturianos colos qu'hai que buscar calces de participación, alvirtió.
El diputáu d'IX abogó por enllantar una nueva cultura na xestión, la del consorciu. La mesma delimitación política va depender, al so xuiciu, más de decisiones de conceyos que de cuestiones técniques, polo que va depender del diálogu colos conceyos por que ellos súmense voluntariamente al procesu, esplicó Ovidio Zapico. Na concepción d'IX de la Área Central d'Asturies inclúyese estender, no posible, la xestión de servicios con mayor eficiencia con preseos públicos supramunicipales, qu'eviten más privatizaciones, y optimicen servicios como agua, los turísticos o los culturales y dean cobertoria a los procesos de remunicipalización.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies