Menu

María José Miranda, diputada d'IX na Xunta Xeneral, alvirtió esta mañana a la conseyera de Desenvolvimientu Rural y Pesca de la clara incompatibilidá de la planta de cultivu de moxones que pretende instalase na mariña de Valdés col caltenimientu de l'actividá pesquera de la zona.

Miranda dio cuenta de la oposición del sector pesqueru, por diverses razones, ente elles la proximidá a cales que se van a ver afectaos poles borrafes orgánicos del moxón, pola afección que puede producir la friega del moxón, que se produz una vegada terminada la campaña de la perceba y puede acabar colonizando estes peñes, tratase d'una base de 63 hectárees y milla y media de seguridá que puede afectar a cales. “Nun ye alderique de acuicultura sí o non, sinón sobre qué tipu de acuicultura y sobre esti proyectu”, alvirtió la diputada a María Jesús Álvarez.

Miranda tamién espetó qu'IX llevó una sorpresa cuando Álvarez  deféndese utilizando'l programa electoral del PSOE, cuando esi programa diz  textualmente qu'Asturies nun tien condiciones xeográfiques nin orográfiques pa acuicultura en mar abiertu, sinón continental. “Nun entendemos esa defensa”, aseguró la diputada d'IX.

Les confreríes yá alegaron en contra, el pasáu de 28 de mayu pasáu y pidiéron-y más tiempu porque taben al bonitu, aseguró la diputada en referencia a otres declaraciones de la conseyera nes qu'esplicaba que nun hubiera allegamientos.

“Nun compartimos la xestión que fai usté, pero nun somos nós los que-y vamos a pidir la dimisión, sinón que tien el PSOE motivos suficientes pa destituyila, sinón lo fai ye que respuenden por la so xestión, pero esti grupu non”, concluyó.

Álvarez aseguró qu'ésti ye un proyectu novedosu que tien que completar tol procedimientu d'impactu ambiental y nesa tramitación tolos interesaos van tener oportunidá d'opinar, y depués volverá abrise otru procesu d'información pública. La conseyera pidió nun adoptar una actitú de prexuiciu ante esti proyectu acuícola na mariña.