Demanda lideralgu al Presidente y pon de relieve l'actitú de bloquéu del Gobiernu central
Gaspar Llamazares, voceru parlamentariu d'IX na Xunta Xeneral, convidó esta mañana a Javier Fernández, presidente autonómicu, a qu'esquice consensos tresversales nel parlamentu asturianu en temes que nun tienen color políticu “pa quitar presión a la olla a puntu d'españar na que se convirtió la cámara asturiana y dáu'l divorciu que caltien el parlamentu col executivu”. El voceru d'IX, que volvió demandar lideralgu al executivu y al so grupu parlamentariu, considera que'l Gobiernu tien de liderar la cámara con una actitú defensiva”.
El voceru d'IX, que dixo tener prudencia, pero non paciencia ante lo visto esta mañana na Xunta –l'astención de Podemos a tomar en considerancia de la llei de reforma electoral-, tamién punxo de relieve qu'Asturies sufre “una tapadoria, un bloquéu” d'un Gobiernu central, conservador, que nun tien a la comunidá autónoma ente les sos prioridaes, nin nes sos infraestructures, nin na política industrial nin nel financiamientu. “Ye un gobiernu que solo da cuentes a la Unión Europea y que tien que faer un nuevu retayu nel financiamientu de les comunidaes autónomes, que va ser asimétricu”, alvirtió Llamazares. Esa tapadoria, al so xuiciu, ye un grave riesgu pa la situación d'Asturies polo que nestos asuntos esenciales” el Gobiernu autonómicu tendría d'establecer una negociación con toles fuerces parlamentaries.
Gaspar Llamazares utilizaba asina la so vez d'entrugues al Presidente pa esquizar sobre qué midíes y qué escenarios tien previstos pa evitar el bloquéu y compartir el lideralgu na situación actual.
Javier Fernández aseguró qu'el so oxetivu ye llevar a cabu l'alcuerdu políticu con IX y per otru llau convertir la mayoría parlamentaria en mayoría política, d'ende a que tea abiertu a suxerencies y a flexibilizar la so posición en casos como los dispositivos de control de la corrupción, la tresparencia, la fiscalidá… Fernández pidió un alcuerdu de fuerces de la esquierda, porque Asturies precisar, anque tamién aseguró ser bastante “escépticu” nesti sentíu. “Pídame lideralgu pero nunca voi a convertir nun traficante d'esperances”, alvirtió'l presidente de Astuiras.
El presidente del Principáu aseguró que “a partir de la realidá que vive Asturies ye necesario buscar tolos alcuerdos que se puedan sobremanera nesti periodu especial que puede ser de precampaña electoral”. “Si entramos en precampaña lo que voi faer va ser pidi-yos a toos ustedes, sobremanera les fuerces d'izquierdes llegar a alcuerdos, porque toi dispuestu a ello inclusive nesi periodu tan especial”, dixo, anque aportunó na necesidá de reconocer la situación que se vive.
Fernández indicó qu'oxalá pudieren llevase a cabo pacto trasversales na Cámara, anque lo qu'asocede día ente día fai pensar lo contrario dada la tensión y hostilidá y la durez de los alderiques parlamentarios, que yá ye más que durez”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies