Jesús Iglesias, candidatu de IX-BA-Verdes a la presidencia del Gobiernu asturianu, denunció güei que nunca na hestoria d'Asturies se diere una recta final de campaña eleutoral per parte de los dos grandes partíos políticos "tan llamentable, marcada por propuestes irrealizables, en dalgunos casos verdaderos disparates". Areces promete los certificaos veterinarios gratis y en respuesta Ovidio Sánchez propón la gratuidá de les cuotes de producción lláctea y la xuba de les ayudes al ñacimientu na zona rural. "Tal parz que'l PP y el PSOE apuesten por tolo que seya gratis", dixo'l candidatu d'IX-BA-Verdes a la presidencia del gobiernu asturianu.
Jesús Iglesias, candidatu de IX-BA-Verdes a la presidencia del Gobiernu asturianu, denunció güei que nunca na hestoria d'Asturies se diere una recta final de campaña eleutoral per parte de los dos grandes partíos políticos "tan llamentable, marcada por propuestes irrealizables, en dalgunos casos verdaderos disparates". Areces promete los certificaos veterinarios gratis y en respuesta Ovidio Sánchez propón la gratuidá de les cuotes de producción lláctea y la xuba de les ayudes al ñacimientu na zona rural. "Tal parz que'l PP y el PSOE apuesten por tolo que seya gratis", dixo'l candidatu d'IX-BA-Verdes a la presidencia del gobiernu asturianu.
Los asturianos tienen de saber qu'eso nun ye posible, la nuestra rexón tien munchos déficits económicos y un modelu financieru que necesita de la solidaridá d'otres rexones que mui dificilmente permite qu'eses propuestes puean tener credibiliá énte los ciudadanos, aseguró Jesús Iglesias.
Una campaña nestos términos pue ser una llamada a l'abstención. IX-BA-Verdes nun va perder los ñervios nin la serenidá énte propuestes de nula credibilidá. IX-BA-Verdes ye una fuercia política apegada a la realidá, con propuestes empobinaes p'hacia la resolución de los problemes ciudadanos y esplicando cómo se va financiar caúna d'elles, tal como esplicó Iglesias.
El candidatu recordó tamién un problema seriu que padez Asturies que los ciudadanos nun deben olvidar."José Luis Rodríguez Zapatero rebobinó'l so discursu y onde dixo digo agora diz Diego. Agora yá nun ta dimpuestu a recuperar el peaxe del Güerna, sinón a desdoblar la carretera de Payares. Ye una auténtica barbaridá que'l PSOE siga insistiendo en dalgo que nun queremos nin necesitamos", aseguró Jesús Iglesias con respeutu al incumplimientu del PSOE de suprimir el peaxe del Güerna, una promesa que realizaron pensando en que nun diben gobernar y poro, "llanzáronse a la piscina".
El Partíu Socialista y el so Presidente de Gobiernu, José Luis Rodríguez Zapatero teníen de facer útil el so votu esixendo la desapaición del peaxe del Güerna, non faciendo propuestes irrealizables ya innecesaries, como lo ye l'autovía de La Robla a Payares y d'ehí al centru de la rexón.
El candidatu d'IX-BA-Verdes a la presidencia del gobiernu autonómicu, tamién recordó la "indudable responsabilidá" de Francisco Álvarez Cascos, Rodrigo Rato y Mariano Rajoy al aumentar la concesión de l'autopista per 29 años más, hasta l'añu 2050, y el so interés en "facer caxa" con ello. Agora esi dineru que s'embolsó l'estáu tien d'usase pa recupera l'autovía pa tolos asturianos. "IX-BA-Verdes ye la única fuercia na que los asturianos pueden confiar pa la desapaición del peaxe", esplicó Iglesias.
"Nunca'l votu a IX-BA-Verdes foi tan útil como nestos momentos. Somos el votu útil de la izquierda, el votu que ta construyendo una sociedá más xusta, más industrial, más asturianista, más ecoloxista y con mayor autogobiernu". Asina define Jesús Iglesias el votu a la coalición de la que ye candidatu a la presidencia del Gobiernu autonómicu.
Jesús Montes Estrada, candidatu a l'alcaldía de Xixón d'IX-BA-Verdes, que compartió la rueda de prensa con Jesús Iglesias, solliñó que nestos últimos los dos candidatos de PSOE y PP, coles sos promeses "esperpéntiques" lo único que tán faciendo ye recortando dineru de les cuestiones sustanciales qu'afeuten a los ciudadanos: los programes sociales y la sanidá y la enseñanza pública, amás de demostrando, una vegada más una clara contradicción, la que representa la so cicatería a la hora d'aprobar el salariu social, poel que lluchó la coalición, y en campaña nun realizando nenguna propuesta seria, como la de dar 500 ordenadores, incluyendo al fíu de Rajoy que cobra 8.000 euros y que si viviera n'Asturies tendría drechu a ello. Montes Estrada preguntóse porqué en campaña nun se fala de los baxos salarios, de los planes industriales que nun esisten, de la vivienda asequible, de Caliao, de la defensa de la cultura asturiana y la llingua, y un llargu etcétera de cuesiones. Tamién añadió que "cualesquier política d'izquierdes nun pue falar enxamás de gratuidá, sinón de que quien tengan más aporten más que los que nun tienen".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies