Gaspar Llamazares va ser unu de los trés diputaos asturianos encargaos de defender, nel Congresu, el cambéu de dellos artículos de la Constitución Española, nuna terna escoyida hai solo unos minutos pol Plenu de la Xunta Xeneral del Principáu.
El voceru d'IX destacó la importancia d'esti alcuerdu que dexa qu'Asturies se ponga al mandu de una reforma constitucional que'l so oxetivu ye facilitar, ente otres cuestiones, la participación ciudadana pero que, amás, añedió, “ye'l complementu necesariu de la reforma electoral na que tamién Asturies ye pionera”. Nesti sentíu, Llamazares destacó que'l cambéu de la llei electoral va dexar un sistema más representativu y nel que la ciudadanía va tener más capacidá de decisión con llistes desbloquiaes o cola xeneración de procesos de primaries.
“Asturies, de nuevu, vuelve tomar iniciatives que tienen enforma que ver coles reflexones de la mesma Universidá y de los colectivos sociales nel sentíu d'una mayor participación ciudadana na política”, enfatizó el diputáu.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
