Menu

Jesús Iglesias, candidatu d'IX-BA-Verdes a la presidencia del Gobiernu asturianu, fizo esta mañana una valoración de les encuestes que güei publiquen dos medios de comunicación asturianos. D'estos sondeos demoscópicos el candidatu de la coalición estrae dos conclusiones principales: la drecha nun tien nenguna posibilidá de gobernar n'Asturies y IX-BA Verdes sigue siendo decisiva pa la configuración de gobiernos nos conceyos y na comunidá autónoma. "Los diputaos d'IX-BA-Verdes van ser determinantes", aseguró Jesús Iglesias n'Uviéu.

Jesús Iglesias, candidatu d'IX-BA-Verdes a la presidencia del Gobiernu asturianu, fizo esta mañana una valoración de les encuestes que güei publiquen dos medios de comunicación asturianos. D'estos sondeos demoscópicos el candidatu de la coalición estrae dos conclusiones principales: la drecha nun tien nenguna posibilidá de gobernar n'Asturies y IX-BA Verdes sigue siendo decisiva pa la configuración de gobiernos nos conceyos y na comunidá autónoma. "Los diputaos d'IX-BA-Verdes van ser determinantes", aseguró Jesús Iglesias n'Uviéu.

El candidatu añadió, amás, que'l verdaderu votu útil de la izquierda, como diz el candidatu Areces, nun ye'l del PSOE, sinón el d'IX-BA-Verdes. Pa midir la mayor o menor fiabilidá de les encuestes, habrá de tener mui en cuenta l'índiz de participación que se produza.

Jesús Iglesias refirióse tamién a les últimes propuestes d'Ovidio Sánchez y Vicente Álvarez Areces. El candidatu del PP pon güei enriba la mesa un proyeutu inda más disparatáu que los de los últimos díes, como si a los asturianos mos sobrare un dineru, nun viviéremos angustiaos por un nuevu modelu de financiación y nun necesitásemos pidir la solidaridá del restu de les autonomíes, dixo Iglesias. "Asturies nun pue pagar el tramu d'autovía ente Unquera-Llanes, esi tramu tien de lo pagar l'estáu", esplicó'l candidatu d'IX-BA-LV, que puntualizó que los asturianos nun deben escecer que quien provocó'l retrasu d'esti tramu y fizo tolo posible pa que nun se construyere foi'l Ministeriu de Fomentu, Francisco Álvarez Casco y el Gobiernu del Partíu Popular.

Con respeutu a la propuesta d'Álvarez Areces de realizar viviendes protexíes na costa, el candidatu autonómicu recordó que quien garantizare esti tipu de viviendes n'Asturies fuere la Conseyería d'IX-BA y que la coalición nun tien nengún inconveniente en cambiar el desenrrollu propuestu hasta agora, el que fomenta la especulación con planes de construyir 60.000 segundes residencies arrasando col llitoral, si la propuesta se realiza de forma ordenada, sostenible y construyendo viviendes pa mozos. "La reivindicación de la nuesa formación ye que se tien de garantizar que la mayoríad'esta vivienda seya protexida. Nun teamos dimpuestos a que'l desenrrollu urbanísticu se faiga a costa de les segundes residencies nin col subterfúxu de convertir los núcleos rurales n'urbanizaciones", aseguró Jesús Iglesias.