Menu

Gaspar Llamazares pidió güei que se xestione con prudencia la decisión mayoritaria d'afiliación y simpatizantes de llegar a alcuerdos de confluencia con Podemos (Ps) y otres fuerces, de la que reconoció la clara victoria del SÍ. “Nun queda otra cosa que reconocer democráticamente la resultancia. Salió bien mayoritariamente a favor de la coalición con Podemos y otres fuerces polítiques y namái xestionar esta decisión con prudencia”.

Llamazares esplicó qu'esa prudencia implica “esixencia programática, a la estratexa política y a les candidatures”.

La resultancia, a xuiciu del voceru d'IX na Xunta Xeneral –al igual que yá espresara'l coordinador d'IX Asturies, Manuel, González Orviz- nun va suponer un xiru de 180 graos nos qu'a l'actividá política de la formación nel ámbitu autonómicu. “La cuestión ye una votación y una decisión que tien que ver coles candidatures a les elecciones xenerales. Nada tien que ver nin cola situación d'Asturies nin cola estratexa política d'Asturies. Yo nun-y pido a Podemos qu'arrenuncie a la suya, ellos nun puen pidi-y a IX que faiga lo propio”.

Gaspar Llamazares restó importancia a les declaraciones de los líderes de Podemos al respective de la so posición y aseguró que'l cambéu solo va ser posible na suma de la esquierda. “Yo creo nun hai futuru pa un cambéu d'esquierda si nun cunta coles distintes sensibilidaes y coles distintes xeneraciones. Si nun ye integradora, nun hai alternativa d'izquierda”.

Tocantes a la posición d'Izquierda Abierta, Gaspar Llamazares esplicó qu'ésta “va asumir la resultancia que se produció y va ser bien esixente al respective de lo que nun se conoz d'esta resultancia, que ye cómo queda la coalición porque yera una votación d'intenciones. Agora queda por ver la resultancia d'eses intenciones que ye'l númberu 2 n'Asturies que ye'l númberu 3 o'l númberu 5 en Madrid”.