Menu

El coordinador xeneral d'IX Asturies propón una xunta mañana en Xixón pa encetar les cuestiones local y autonómicu mientres en Madrid alderiquen les llistes

El Coordinador Xeneral d'IX Asturies, Manuel Gonzalez Orviz, respondió güei al llamamientu pal diálogu del secretariu xeneral de Podemos (Ps), Daniel Ripa, emplazando a la formación morada a dialogar de forma inmediata, “mañana mesmo”, en Xixón.”Entendemos qu'hai que sumar nel conxuntu de la izquierda d'Asturies, acabar coles anomalíes democrátiques qu'esisten tantu en Xixón como n'Asturies.”

L'oxetivu del alcuentru tien de ser resolver dambes singularidaes yá que, a xuiciu del máximu responsable d'IX Asturies, "ta xenerando una frustración importante nel senu de la izquierda”.

Al respective de les llistes, afirmó González Orviz, “nun son lo más importante, pero nun entenderíamos unes llistes n'Asturies que nun reconocieren la pluralidá de la izquierda esistente, más allá inclusive de Ps ya IX. Si se tratar de sumar, tenemos que sumar a munchos más”

Non ensin ironía, el coordinador d'IX, reivindicó la necesidá de fuxir de lo que denominó “declaraciones teolóxiques”, por más qu'éstes sirvan pa “quedar bien a los unos y los otros. De lo que se trata ye de poner los pies na tierra pa resolver los problemes de la xente".

Si esmolécennos los problemes de la xente "vamos empezar por resolver los problemes de Xixón y d'Asturies”.

Na xunta, esplicó González Orviz, tien d'encetase pa “sumar la mayoría de Xixón, sumar la mayoría d'Asturies”.