Vallina critica'l “escasu interés” de la UE en defender los derechos de les muyeres saharagüi y palestín
La eurodiputada d'Izquierda Xunida Ángela Vallina acusó esti martes a l'Alta Representante de la Unión Europea p'Asuntos Esteriores, Federica Mogherini, de nun tener reparos n'amosar el “escasu interés” que tien pa Bruxeles la defensa de los derechos de les muyeres nes zones ocupaes de Palestina y el Sáhara Occidental.
“Les muyeres y los neños suelen ser les principales víctimes de los conflictos armaos y en munches ocasiones les primeres sufren una discriminación múltiple: por ser muyeres, pero tamién por cuestiones raciales o ideolóxiques. La UE ta dando amueses del escasu interés na defensa de los derechos de les muyeres palestín y saharagüi”, dixo Vallina en recibiendo la respuesta de la xefa de la diplomacia europea a una entruga parlamentaria formulada nel mes de xunetu na qu'esixía más protección per parte de la UE [Documentos axuntos].
En dicha respuesta, Mogherini yá nun cita actuaciones concretes de la UE nel Sáhara Occidental, sinón qu'amás en nengún momentu utiliza'l términu “territorios ocupaos”, nin siquier cuando fala de Palestina, lo que pa Vallina “denota el cinismu de la política esterior d'esta UE”.
“Per un sitiu, apúrrennos un llistáu de proyectos destinaos a lluchar contra la fienda de xéneru y la violencia machista en dellos países d'Oriente Mediu que nos paez exiguo. Por otru, la Estratexa Global pa la Unión en Política Esterior y de Seguridá” del mes de xunu, “pasa per alto los problemes que sigue habiendo n'Estaos vecinos colos que la UE caltien alcuerdos comerciales importantes”.
Nesti sentíu, refirióse al alcuerdu comercial de la UE con Marruecos -y sobre el que'l Tribunal de Xusticia de la UE tendrá de pronunciase nes próximes selmanes tres la denuncia del Frente Polisario y el recursu presentáu pola mesma UE-, o al alcuerdu comercial con Israel. “Bruxeles dedica miles de millones d'euros añales a al comerciu con estos países que dexen de llau la llucha pola llibre determinación de los pueblos y la garantía de que se cumplen les normes internacionales más elementales”, denunció.
Esti xueves, Vallina va dar voz nel Parlamentu Européu a munches d'eses muyeres saharagüis que lluchen polos sos derechos a pesar de les acciones de la UE, nunes xornaes que van cuntar cola participación de la eurodiputada d'IX y vicepresidenta del Intergrupo de sofitu al Sáhara Occidental Palombu López, la vicepresidenta del Parlamentu Panafricanu, Suelma Beiruk, y la secretaria executiva de la Organización Panafricana de Muyeres, Mildred Jantjies.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies