Menu

Los candidatos d’Izquierda Xunida a les alcaldíes de Cangas del Narcea y Degaña, José Manuel Martínez y Jaime Gareth Florez participaron nun actu públicu xunto a Jesús Iglesias, Coordinador Xeneral d’ IX d’Asturies y Gaspar Llamazares, Coordinador Federal d’ Izquierda Xunida, que valió pa sofitar a los representantes de esta coalición nel Suroccidente asturianu. Tanto Jaime Gareth Florez, candidatu a la alcaldía de Degaña y cabezaleru de la circunscripción occidental a la Xunta Xeneral del Principáu, reivindicaron la importancia de les comunicaciones y el desarrollu industrial pa la zona, afectada pol despoblamientu que sufren munches zones d’Asturies.

Los candidatos d’Izquierda Xunida a les alcaldíes de Cangas del Narcea y Degaña, José Manuel Martínez y Jaime Gareth Florez participaron nun actu públicu xunto a Jesús Iglesias, Coordinador Xeneral d’ IX d’Asturies y Gaspar Llamazares, Coordinador Federal d’ Izquierda Xunida, que valió pa sofitar  a los representantes de esta coalición nel Suroccidente asturianu. Tanto Jaime Gareth Florez, candidatu a la alcaldía de Degaña y cabezaleru de la circunscripción occidental a la Xunta Xeneral del Principáu, reivindicaron la importancia de les comunicaciones y el desarrollu industrial pa la zona,  afectada pol despoblamientu que sufren munches zones d’Asturies.

Jesús Iglesias, candidatu a la presidencia del Principáu d’Asturies,  refugó nel so discursu la visión de l’Asturies que nun mira más que pal so embeligu, el centru. Iglesias apostó por una Asturies xunida qu’atienda les necesidaes de tolos puntos del país  y sobre too que reivindique’l papel “protagonista”del Occidente asturianu nes sos polítiques y propuestes.

El Coordinador Xeneral d’ IX d’Asturies resumió les llínees programátiques coles que dirá a les elleiciones del 27 de mayu: l’apueste pol emplegu pa la xente mozo, l’accesu a la vivienda –un proyeutu que nun se concrete nuna única llexislatura- y l’incrementu y la meyora de los servicios públicos de calidá, ente otros aspeutos.

José Manuel Martínez, candidatu de l’alcaldía en Cangas del Narcea aseguró qu’IX de Cangas ye una fuercia preparada pa xestionar y gobernar l’ayuntamientu, anque los efeutos de les polítiques han midise a mediu y llargu plazu, sobre too en conceyos pequeños onde la financiación depende d’otres alministraciones. El nuevu proyeutu col que concurrirá Izquierda Xunida de Cangas del Narcea ta pensáu pa facilitar la vida nos más de 300 nuedos rurales del conceyu, favorecer la minería y la industria, tamién la ganadería y l’agricultura cola implantación de nuevos productos agroalimentarios, asina como la creación de nuevos polígonos industriales y la meyora de les comunicaciones, l’autovía La Espina-Ponferrada, too con un gran procuru y respetu al medioambiente.
Jaime Gareth cabezaleru de la llista pol occidente d’Asturies a la Xunta Xeneral del Principáu y  candidatu a la reeleición en Degaña manifestó’l so enclín de camudar la llei ellectoral pa qu’ Asturies tenga una única circunscripción y los votos del Occidente y l’ Oriente “nun vayan pa la papelera”, refiriéndose al actual sistema asturianu de  tres circunscripciones. La meyora de les comunicaciones y la creación d’un polígonu industrial en Degaña –los dos mui xuncíos- fueron los dos oxetivos de la última llexislatura. La meyora de les comunicaciones produciráse, según Gareth, nun “futuru espero bien llueu” y el tunel del Rañadoriu va ser un factor determinante pa la xuntura del Suroccidente asturianu, hasta del Noroccidente. “Ye necesaria una apuesta política d’inversiones pa sacar del olvidu al Suroccidente asturianu”, alvirtió’l candidatu d’IX de Degaña, sobre too cuando un porcentaxe del terrén s’alcuentra nun espaciu protexíu qu’enguedeya la combinación d’industria y medioambiente. “Ensin renunciar a la minería tenemos d’empecipiar a apostar por otros sectores y otros productos pa mirar p’alantre, ensin escaecer el potencial en recursos humanos que guarda Degaña”, dixo’l cabezaleru de la llista del occidente asturianu.

Gaspar Llamazares, Coordinador Federal de IX presentó a IX como la fuercia política que garantiza les polítiques d’izquierdes, que nel Occidente d’Asturies ye garantía de la xunión del territoriu, garantía de los sectores tradicionales y de la minería y tamién de la meyora de les comunicaciones, que de momentu, son abondo superables. La vía de La Espina a Ponferrada supón bastante meyora, a xuiciu de Gaspar Llamazares, y ye perfeutamente compatible cola defensa del medioambiente, que ye la base del desarrollu sostenible.