Llamazares esixe al Principáu esplicaciones sobre la muerte d'un nuevu osu en Moal
El voceru d'IX sostien que'l fallecimientu del plantígradu y la contaminación ponen en riesgu'l “Asturies, paraísu natural”
Gaspar Llamazares, voceru parlamentariu d'IX na Xunta Xeneral, amuesa la so esmolición pola nueva muerte d'un osu, conocida esta fin de selmana, na redoma de Moal, en Cangas. El voceru d'IX acaba de rexistrar unes entrugues al Gobiernu que quieren conocer si ésti tien conocencia de la recién muerte del exemplar atopáu en Moal y les midíes que piensa tomar pa prevenir estes situaciones qu'afecten a una especie protexida y que lamentablemente repitiéronse en bien escasu marxe de tiempu. La entruga fai referencia tamién a la denuncia que faen delles organizaciones ecoloxistes sobre una presunta medría del furtivismu na comunidá autónoma.
Anque les causes nun se conocen inda, el voceru parlamentariu alvierte de qu'a esta muerte d'un animal simbólicu pal Principáu na zona rural xúnese una medría de la contaminación na zona urbana de la comunidá autónoma poniendo en riesgu'l nuesu principal eslogan, “Asturies, paraísu natural”. “Queremos que'l Gobiernu esmolézase por esta situación y ufierte una respuesta cola inmediatez que rique la gravedá del asuntu”, asegura Llamazares.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
