Llamazares demanda cambeos al Gobiernu asturianu y fuxir de la inercia y el continuismu
Sostien qu'IX va realizar una oposición esixente y constructivo apurriendo les sos propuestes, ente elles, la fiscal, la d'ordenación del territoriu o d'investigación
Gaspar Llamazares, voceru parlamentariu d'IX na Xunta Xeneral, ufiertó esta mañana unes pincelaes de cómo va ser el llabor d'IX nel próximu periodu de sesiones parlamentaries que s'empecipia la próxima selmana. Dempués de que'l Gobiernu cerrara l'anterior periodu con un pactu presupuestariu cola derecha, Llamazares alvirtió de que la comunidá “cuerre'l riesgu de la inercia, del continuismu políticu y de un presidente fixu-discontinuu”. “Nun podemos dexanos dos años más de continuismu políticu ya interinidá y ye necesario faer cambeos”, esplicó nel so diagnósticu'l voceru d'IX. Al so xuiciu los cambeos necesarios tienen de ser en defensa de los servicios públicos, el medioambiente, les infraestructures, la educación y la investigación y el desenvolvimientu.
IX va realizar una oposición esixente y constructivo. “Nun van ver ustedes a IX sumándose a nengún nihilismu, a nenguna destrucción de lo qu'hai”, dixo Llamazares. Otra manera, IX va tar na construcción d'una meyor alternativa tantu en servicios públicos que los asturianos precisen qu'ameyoren en calidá, infraestructures o mediuambiente. Apocayá IX propunxo un pactu en contaminación y l'alternativa d'infraestructures y anuncio que vamos presentar una alternativa fiscal y otra d'ordenación del territoriu o n'investigación, aseguró'l voceru d'IX.
Per otru llau, denunció que güei enteramonos que'l Gobiernu central nun va financiar proyectos d'investigación directos de les comunidaes autónomes en materia agrario, sinón que lo fadrá al traviés de l'Axencia Estatal d'Investigación. “Nós yá amosemos agora la esmolición porque esto signifique un retayu en materia d'investigación aplicada agraria n'Asturies, retayu que va xuníu yá a otros retayos n'investigación o a la situación interna del ITMA”, concluyó.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies