Jesús Iglesias, Coordinador Xeneral d’Izquierda Xunida d’Asturies y Antonio Pino, Secretariu Xeneral de Comisiones Obreres d’Asturies amuesaron ayeri, en rueda de prensa, una visión similar sobre la realidá socioeconómica y los riesgos que nos próximos años s’averen a Asturies, de nun mediar un cambiu nes polítiques económiques ya industriales.
" />Jesús Iglesias, Coordinador Xeneral d’Izquierda Xunida d’Asturies y Antonio Pino, Secretariu Xeneral de Comisiones Obreres d’Asturies amuesaron ayeri, en rueda de prensa, una visión similar sobre la realidá socioeconómica y los riesgos que nos próximos años s’averen a Asturies, de nun mediar un cambiu nes polítiques económiques ya industriales.
Jesús Iglesias, Coordinador Xeneral d’Izquierda Xunida d’Asturies y Antonio Pino, Secretariu Xeneral de Comisiones Obreres d’Asturies amuesaron ayeri, en rueda de prensa, una visión similar sobre la realidá socioeconómica y los riesgos que nos próximos años s’averen a Asturies, de nun mediar un cambiu nes polítiques económiques ya industriales. Estes declaraciones produxéronse al acabar un conceyu ente los dirixentes de les dos formaciones na sé d’Izquierda Xunida d’Asturies, na que ficieron un analís de la situación actual y esbozaron les llinies comunes qu’Izquierda Xunida puede incluyir nel so programa electoral.
Jesús Iglesias, Coordinador Xeneral d’Izquierda Xunida y candidatu a la presidencia del Principáu, dibuxó la realidá económica d’Asturies, que ye meyor que la d’hai 10 años, anque entovía los indicadores apunten a qu’el Principáu entovía nun converxe col restu del estáu nin cola media europea. Nesti sen, Antonio Pino, Secretariu Xeneral de CCOO apuntó que si existe un “embobamientu positivista por parte del Presidente del Principáu, como si n’Asturies s’acabaren los problemes”.
Ente los riesgos que diagnostica Izquierda Xunida d’Asturies alcuéntranse: qu’el desendolcu económicu tuviere n’Asturies tuvo determináu nos últimos años pol sector de la construcción, y en concretu de les obres públiques. Ésta última depende en gran parte de les grandes infrastuctures del país, que van acabar nel horizonte del añu 2012, al mesmu tiempu que lo van facer los fondos estructurales europeos. “Pa esta data, yá bien cercana, ye necesario tener preparáu un modelu alternativu”, seguró Jesús Iglesias. Antonio Pino considera qu’el crecimientu económicu asturianu ta sosteníu en sectores “volátiles” y por el contrario existe un sector industrial con grandes niveles d’endeblez y los exemplos tán claros: Autotex, Menasa, la fábrica de Loza de San Cloyo,.. o el futuro de Naval Xixón y l’“ausencia d’inversiones” n’Arcelor Mital. Amás, según Comisiones Obreres, sigue patente l’amenaza de Kioto y ensin resolver la malla d’infrastuctures interiores de la comunidá.
Del mesmu mou, Iglesias reivindicó la necesidá de reconocer el papel de les fuerces sindicales asturianes y la so aportación a los alcuerdos de concertación social. Una vegada fináu l’actual plan de concertación, ADECE, ye necesariu un nuevu plan que revalide’l marcu de concertación a desenvolver ente los años 2008-2012. IX d’Asturies comprometióse nel so programa electoral a incluyir un nuevu marcu de diálogu pal próximu cuatrieniu, una vez acabáu’l plan actual. P’Antinio Oino l’actitú del gobiernu del PSOE ye la de “tirar de la idea d’una menor participación de les fuerces sociales en proyectos perimportantes”. Esto ye, a xuiciu de Pino, un grave erru en términos ideolóxicos d’esquierdes.
El Secretariu Xeneral de Comsiones Obreres denunció la falta d’iniciativa política del Gobiernu pa definir polítiques concretes pa los retos inmediatos.
Esti mesmu reconocimientu a los movimientos sociales tien de ser incluyíu nel porcesu de d’ellaboración del nuevu Estatutu d’Autonomía como garantía y reconocimientu del papel de los sindicatos independientemente del executivu que gobierne, según Izquierda Xunida d’Asturies.
Pal desendolcu del marcu industrial ye afayadizo tamién poner en marcha’l Foru pola Industri que tien de ser el puntu d’alcuentru razonable pal diseñu de les polítiques industriales n’Asturies, aseguró Jesús Iglesias ente Antonio Pino.
En cuentes a les polítiques d’I+D+I, el Coordinador Xeneral d’Izquierda Xunida d’Asturies apoistó por dar continuidá a los esfuerzos d’inversión y aumentar la mesma, amás de ser esixentes cola inversión privada”, dixo Jesús Iglesias, al mesmu tiempu que demandó un mayor esfuerzu priváu.
La tresformación del empléu precariu n’estable ye otra de les preocupaciones d’Izquierda Xunida. A pesar de les últimes polítiques puestes en funcionamientu pol gobiernu nacional, los resultaos fueron absolutamente desoladores, como esplicó Iglesias.
A lo último, el Coordinador Xeneral d’IX d’Asturies incidió na necesidá de qu’Asturies tenga un modelu de financiación que defienda con fuerza qu’Asturies cuente con suficiencia financiera y que se reconozan len particularidaes del `país, con una pirámide d’edá pervanzada y dispersa xeográficamente.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies