Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

15/02/2017

Masa encamienta a la ciudadanía a siguir sollerta frente a trataos como'l CETA qu'entá ten de ser ratificáu nel parlamentu

Considera intolerable que la firma d'un tratáu billateral de comerciu con Canadá realizárase d'una forma tan opaca y frayando criterios de tresparencia.

La diputada d'IX, Concha Masa, considera intolerable qu'un procesu de tal transcendencia como ye la firma d'un tratáu billateral de comerciu con Canadá –Ceta-, que se robló güei na Unión Europea, realizárase d'una forma tan opaca y frayando criterios de tresparencia. La diputada d'IX pronunció estes palabres nuna rueda de prensa na que tamién participó la diputada de Podemos, Paula Valero, y el voceru de la Plataforma Asturiana contra los Trataos de Llibre Comerciu, Sixto Armán. Masa incidió que se trata de “una ofiensa a la democracia” y pidió a los ciudadanos caltener l'atención frente a los conteníos d'estos trataos que, d'equí p'arriba, tienen  de ser ratificaos nos parlamentos de los estaos miembros de la Unión Europea.

A xuiciu de Sixto Armán  el Ceta, ye un  tratáu en contra de los intereses de la mayoría de los ciudadanos, que se realizó frayando criterios básicos de tresparencia y va tener negativos  impactos a nivel social, económicu y medioambiental. “El Ceta representa una clara amenaza pa los derechos básicos”, esplicó Armán na Xunta Xeneral de la que emplazó a los ciudadanos  a siguir la movilización pa “desmontar ésti y los siguientes trataos”.  El conxuntu de trataos qu'axusta agora la Unión Europea “respuenden a los intereses de les multinacionales y les grandes corporaciones en desterciu de derechos  y servicios públicos”, dixo'l voceru de la Plataforma Asturiana contra Los Trataos de Llibre Comerciu. Armán pidió la movilización ciudadana pa enmendar esti tipu de polítiques. Esta tarde va haber un alcuentru, a les 19 hores, na Plaza del Parchís de Xixón.
Paula Valero, diputada de Podemos, recordó que dambos  grupos defendieron una Proposición Non de Llei nel parlamentu asturianu y que pidieron una comparecencia del conseyeru de presidencia por qu'informe cómo se cumplió esta PNL.

Volver

Compartir

2014 Izquierda Xunida d'Asturies - Política de privacidad - Política de cookies