Menu

Jesús Iglesias, Coordinador Xeneral d’Izquierda Xunida d’Asturies aconceyó esta mañana col Presudente del Conseyu de la Mocedá del Principáu d’Asturies y miembros de la directiva d’esta entidá, xunta a representantes autonómicos del área de Mocedá d’Izquierda Xunida d’Asturies.

IX va profundizar na política d’alquiler de viviendes dirixíes a la mocedá

Jesús Iglesias, Coordinador Xeneral d’Izquierda Xunida d’Asturies aconceyó esta mañana col Presidente del Conseyu de la Mocedá del Principáu d’Asturies y miembros de la directiva d’esta entidá, xunta a representantes autonómicos del área de Mocedá d’Izquierda Xunida d’Asturies. Nesti alcuentru Jesús Iglesias comprometióse a poner en funcionamientu un Plan Integral de Mocedá pa solventar dalgunos de los problemes de la mocedá, principalmente venceyaos al ámbitu de la búsqueda de vivienda y la emancipación familiar. Esti plan ye una demanda del Conseyu de la Mocedña, lo mesmo que la modificación de la Llei de Participación Xuvenil que s’alcuentra “desfasada”, a xuciu de Jesús Iglesias.
            El Coordinador Xeneral d’Izquierda Xunida d’Asturies aseguró qu’el partíu ta peridentificáu cola batería de propuestes realizaes pol Conseyu de la Mocedá, que plantea les sos demandes alredor de 5 apartaos: asociacionismu, emancipación, marcu territorial, derechos y igualdá y emigración xuvenil. Del mesmu mou, considera que la política de mocedá realizada hasta esti intre ye “manifiestamente meyorable”.
            “Ser mozu güei ye cada vegada ser más más precariu”, aseguró Jesús Iglesias ente Paulino Feito, presidente del Conseyu de la Mocedá. El 51% de los mozos que trabayen faenlo con un contratu precariu, con un salariu mui perbaxo de la media de les tables salariales de la comunidá y el términu “mileurismu” nun llega a describir la realidá de la mocedá astuiano que son más bien “seiscientos euristes o setencientos euristes”, dixo Jesús Iglesias pa señalar darréu que con esta perspectiva ye perdifícil algamar la emancipación.
            Jesús Iglesias comprometióse tamién a profundizar y realizar mayores esfuerzos nes polítiques d’accesu a la vivienda de la mocedá, en marcha durante la última llexislatura por parte de la Conseyería de Vivienda, d’IX. N’Asturies, hai cuatro años nun esistíen viviendes específicamente empobinaes a la renta y dende la Conseyería s’algamó poner en marcha viviendes de promoción en réxime de renta. “Esti ye’l camín p’avanzar”, máxime cuando de cada cuatro ayudes a la vivienda, tres empobináronse a la mocedá”, esplicó Jesús Iglesias.
            El Coordinador Xeneral d’IX d’Asturies considera un avance que se dexara d’usar el términu lleenda urbana y el reconocimientu implícitu de la mocedá asturiana emigra porque nun alcuentra trabayu y non p’alquirir una esperiencia vital