Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

03/03/2017

Argüelles destaca la participación como clave na meyora de la calidá democrática

El coordinador xeneral d'IX Astirias apueste por abrir a la ciudadanía tomar de decisiones en tolos ámbitos

El coordinador xeneral  d'IX Asturies, Ramón Argüelles, reivindicó'l valor de la participación como clave na meyora de la calidá democrática. El máximu responsable de la formación participó güei na apertura de les xornaes sobre "Gobiernu Local y Democracia" entamaes por IX Xixón, a quién felicitó por esta iniciativa, que va siguir mañana, sábadu, con delles ponencies y alderiques.

Y ye que, enfatizó Argüelles, democracia y participación son dos palabres que formen parte del ADN d'IX, y que al so xuiciu tendríen de ser irrenunciables na actividá política, empezando pola municipal, la más cercana. "Non escoyemos yá un alcalde o una alcaldesa pa los próximos 4 años, sinón que queremos que les coses que sían importantes pal futuru de la ciudá consúltensenos a tola ciudadanía. Y a tolos niveles. Yá nun falamos solo de Conceyos, sinón falaríamos d'otres instituciones como la rexón, inclusive, por qué non, del país onde vivimos".

L'apertura d'estes xornaes cuntó tamién cola intervención del coordinador d'IX en Xixón, Faustino Sabio, quien recordó que la participación ye una seña d'identidá irrenunciable d'una fuerza como Izquierda Xunida, na que munchos de los sos militantes yá participen na acción política ciudadana inclusive primero que tal alternativa fuera posible, matizó, llegalmente. "Homes y muyeres d'esta organización lluchábamos nos movimientos asociativos vecinales y tratábamos de construyir un país meyor, un país distintu y, poro, siguimos trabayando nello, empeñaos en que tolo que fiximos naquellos momentos foi bonu o conveniente naquel espaciu, pero qu'hai qu'ameyoralo, hai que tresformalo porque se dan nueves circunstancies". Y esa voluntá de cambéu, resaltó Sabio, ye la que mueven estes xornaes.

Pela so parte, la secretaria de política municipal d'IX Asturies, Gabriela Álvarez, destacó'l valor de l'acción nos ámbitos locales, yá que son en munchos casos l'enllaz más próximu a la ciudadanía.

El Secretariu d'Ellaboración, Programa y Participación, Javier Suárez Llana, destacó qu'avanzar na democracia participativa nos conceyos ye un apueste pola qu'IX trabaya dende va años n'Asturies. Eso sí, esclarió, nunos momentos nos que la sociedá demanda más participación ye imprescindible responder a esi retu con propuestes qu'apinen eses aspiraciones. Ello ye que les xornaes concíbense como una vía pa cavilgar y avanzar en modelos de participación.

Volver

Compartir

2014 Izquierda Xunida d'Asturies - Política de privacidad - Política de cookies