Menu

A xuiciu del voceru d'IX llanzose una nueva quimera y escaeciéronse les prioridaes: el ferrocarril col Pandu y el financiamientu autonómicu

La xunta de presidentes de comunidaes del Norte d'España foi una nueva oportunidá perdida, a xuiciu de Gaspar Llamazares, voceru parlamentariu d'IX na Xunta Xeneral. Esta xunta, que tendría de ser pa marcar prioridaes, nun sirvió pa tal oxetivu. Según Izquierda Xunida les prioridaes son les infraestructures pindies sobremanera la comunicación ferroviaria per parte de toles comunidaes del Norte y el financiamientu autonómicu. “En cuenta de falar de ferrocarril y de financiamientu autonómicu y de coordinación, buscando puntos de mancomún ente estes comunidaes que tienen problemes y necesidaes similares, saquen la quimera del ferrocarril al Este”, alvierte Llamazares. El voceru d'IX recuerda que ye un ferrocarril que nun ta previstu per parte del Ministeriu nin tien previsión presupuestaria. “Convierten estes xuntes en xornaes nes que los Gobiernos faen les sos cartes a los Reis Magos, con toles iniciatives, y non en xuntes onde se marquen prioridaes, evalúense en función del presupuestu y propónganse y prímese al Gobiernu central”, denuncia Llamazares. De nuevu, al igual que n'Asturies, en cuenta de priorizar obres y sistema de financiamientu, lo que faen ye llanzar una nueva iniciativa ensin previsión presupuestaria como ye'l ferrocarril de la Cornisa Cantábrica que nin ta nin se-y espera, resume'l diputáu d'IX.

Pa Llamazares da la impresión de que non solo n'Asturies les infraestructures nun acaben de centrase y que les xuntes terminen nuna carta a los Reis Magos. Esto nun ye inútil solo dende'l puntu de vista de concretar les infraestructures sinón que nun favorez la imaxe de seriedá de les comunidaes del Norte con una nueva reclamación, invidable presupuestariamente como ye la comunicación al traviés de la Cornisa por ferrocarril, piensa.