Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Llamazares denuncia la disolución de la área de Fotónica del ITMA y la dispersión y degradación de los sos investigadores

El voceru d'IX amuesa la so “esmolición” porque esti casu sía'l del conxuntu de la investigación n'Asturies

Gaspar Llamazares, voceru parlamentariu d'IX na Xunta Xeneral, denunció esta mañana nel Parlamentu la esmolición que-y xenera la dirección de ITMA que decidió eslleir la área de Fotónica (una de les mayores árees d'investigación), esvalixa a los investigadores y degradalos, pero non solo por un casu que pasó del acosu llaboral al “mobbing” a los investigadores colos meyores resultaos, sinón tamién porque ye una metáfora de la situación, por desgracia, del conxuntu de la investigación asturiana que ta sufriendo un procesu de “degradación”.

Frente a la propuesta de sostener Fotónica, el Plan Estratéxicu aprobáu pola dirección decide eslleir l'área y degradalos, de tal manera que l'investigador 1 va ser xestor, el 2 unviar a otra área y el 3 va ser alministrativu, cuando los trés son investigadores, denunció'l voceru d'IX. Ellos son los investigadores con meyores resultaos, 7 proyectos, la mayoría de los del ITMA, dos proyectos con financiamientu européu, trés con financiamientu español y dos asturianu, 12 publicaciones, 30 comunicaciones y trés patentes, alvirtió mientres la so intervención na entruga formulada al Conseyeru d'Industria. Frente a eso, la dirección denuncialos por publicar un artículu nun mediu de comunicación, puntualizó'l diputáu d'IX, quien siguió argumentando los 80.000 euros de beneficios y una ocupación prevista yá pal añu que vien del 50%. “Nun puede entendese que la dirección del ITMA tome estes decisiones”, dixo Llamazares, quien esplicó nun tener nenguna obsesión con esti institutu nin “nengún primu trabayando ellí” como diz el so director.

Esti estáu de coses, el ITMA significa a xuiciu d'IX una metáfora, por desgracia, de la investigación asturiana que ta en procesu de degradación de resultes de coses asemeyaes a la del ITMA: “falta de lideralgu y compromisu de l'alministración, que nun puede ser qu'unu sía patronu y nun s'entere de lo que pasa y nun lu importe; porque la investigación nun ye una prioridá pal sector priváu, sinón convertila en servicios a empreses y terceru, el xestores de los institutos d'investigación dexen abondo que deseyar dende'l puntu de vista profesional a tenor de les resultancies”.

“Que nun asoceda que tengamos muncha mazana del aceru y pocos cimientos investigadores”, dixo. Darréu reconoció que ye ciertu que la investigación amenorgóse, pero faise mal usu del dineru esistente. “El planteamientu pa los próximos años del ITMA ye una enmienda a la estratexa de 2014-2017”, aseguró antes de rematar sosteniendo que nel ITMA nun se ta xugando solo'l ITMA, nin siquier la mazana del aceru, sinón la investigación asturiana.

Francisco Blanco, conseyeru d'Industria, dixo conocer el Plan Estratéxicu del ITMA, porque'l Principáu ta nel patronatu d'esti organismu priváu” y l'establecimientu d'una nueva estructura, que al so xuiciu, “nun me paez que tea ente les mios competencies decidir si ye la meyor estructura o non”. Blanco argumentó que les resultancies del ITMA “nun son malos, aumentó la so plantiya y que les empreses paecen satisfeches col so llabor”.

Volver

Compartir

2014 Izquierda Xunida d'Asturies - Política de privacidad - Política de cookies