Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

17/03/2017

Llamazares esixe a Javier Fernández la defensa pública del impuestu de sucesiones

Alvierte de que la campaña de mentira política va a pol conxuntu de los impuestos, contra lo público y la política y dempués van venir les privatizaciones

Cola reforma apautada por PSOE y PP cinco hermanos nun pagaríen nada por un heriedu de 1,5 millones d'euros

Gaspar Llamazares, voceru parlamentariu d'IX na Xunta Xeneral demandó güei a Javier Fernández, presidente del Principáu, que defenda l'impuestu de sucesiones públicamente, modifique aquelles mentires que xeneren malestar y lluche contra'l fraude y la corrupción que deslexitimen la política. Llamazares realizó estes aseveraciones na entruga sobre qué midíes piensa adoptar el so Gobiernu pa defender un financiamientu equitativa y suficiente de la nuesa alministración pública al traviés una política fiscal xusta, especialmente por aciu la esplicación al conxuntu de la ciudadanía de la so importancia pa la xusticia social, la garantía de los servicios públicos y la llucha contra la desigualdá. Llamazares alvirtió al Secretariu Xeneral del PSOE n'Asturies de que la campaña que se ta produciendo nestos momentos nun va solo pol impuestu de sucesiones, sinón pol conxuntu de los impuestos, contra lo público y la política. Ye más, al so xuiciu depués “van venir les privatizaciones”.

Según Llamazares na campaña “de la mentira política” onde se miente beneficiando a una minoría de la sociedá, utilizando una mentira creíble o postverdad que se vive n'Asturies esixó al Gobiernu que “dea la talla”. La respuesta, al so xuiciu, nun puede ser el silenciu (porque'l que calla otorga) nin l'amenorgamientu (que da la razón pola mentira esaxerada”. El voceru d'IX argumentó que l'impuestu de sucesiones, de competencia nacional, ye como sostien el Tribunal Constitucional Alemán “el corazón de la democracia económica porque nun solo contribúi a caltener los servicios públicos, sinón qu'evita l'acumuladura de riqueza y de poder y evita l'aristocracia del poder frente a la democracia” .

“Na práctica'l patrimoniu ye'l principal factor de desigualdá nel mundu y n'Asturies”, cavilgó Llamazares. El patrimoniu, recordó, significa diferencies ente'l 10% que más tien y el 10% de los que menos tienen de cientos de vegaes. Sicasí, na renta'l 5% de la población n'España atropa'l 45% de la renta. “Nun ye d'estrañar que cualquier democracia en situaciones de crisis quiera caltener l'impuestu de patrimoniu y el de sucesiones”, dixo, pa de siguío sorrayar que, n'España, otra manera, fíxose una reforma del impuestu de patrimoniu que significa qu'una pareya con un patrimoniu de 1,5 millones d'euros nun pague nin un euru al estáu.

Siguiendo colos exemplos, Llamazares alvirtió qu'antes de la reforma n'Asturies, una familia como la suya, con cinco hermano, nun pagaríen nada por heredar 750.000 euros. Col cambéu yá realizáu nel presupuestu de 2017, esos cinco hermanos nun pagaríen nada por heredar un millón d'euros y cola reforma apautada col PP “nun pagaríamos nada por heredar 1,5 millones d'heriedu”. ¿Ye eso sostenible?, preguntóse'l voceru d'IX.

A xuiciu de Llamazares nun ye sostenible, porque nun sostien l'estáu social y nun ye sostenible l'acumuladura de riqueza y de poder en manos d'una minoría. “N'Asturies un 80% de los asturianos perdieron poder adquisitivu mientres la crisis, ¿a quién favorecemos?”, preguntó n'alto. Pa terminar aseguró que l'impuestu pagalu'l 5% de la población asturiana. “Yo creo qu'ente trabayadores y clases medies somos el 95% restante”, concluyó.

Pela so parte, Javier Fernández aseguró que dio y va siguir dando la cara en defensa del impuestu de sucesiones dempués de que nos últimos meses abriérase una carrera absurda pa esanicialo. Tamién esplicó que nun hai nada gratis nes prestaciones públiques, o se paga como consumidor o se paguen impuestos como ciudadanos y llamentó que nun hubiera un alderique serio y honesto sobre impuestos, lo que xenera discursos cada vez más peligrosos con diecisiete mercado políticos y diecisiete élites económiques.

Volver

Compartir

2014 Izquierda Xunida d'Asturies - Política de privacidad - Política de cookies