Por cuenta de la celebración del partíu internacional de fútbol IX recuerda la llimitación de los derechos a practicar deporte de los futbolistes palestinos y pide sofitu pa les espresiones pacífiques de repulsa y refugu
El grupu parlamentariu d'IX na Xunta Xeneral rexistra una iniciativa, por cuenta de la celebración del partíu internacional de fútbol ente les selecciones nacionales d'España ya Israel el próximu 24 de marzu en Xixón, na que pide que'l parlamentu autonómicu esprese'l so refugu y fondu malestar pola continua y permanente vulneración de los más elementales derechos deportivos y otros derechos humanos practicada pol gobiernu israelín tantu contra los futbolistes palestinos, llindando'l so derechu a practicar esti deporte, como contra los demás ciudadanos de los territorios ocupaos. Un segundu puntu de la iniciativa d'IX reclama que la Xunta Xeneral del Principáu d'Asturies manifieste'l so sofitu a toles espresiones pacífiques de repulsa y refugu contra esta situación que s'entamen con motivu del citáu eventu deportivu.
A xuiciu d'IX, como s'espón na argumentación de la Proposición Non de Llei, la celebración del alcuentru ente les selecciones d'España ya Israel el próximu 24 de marzu en Xixón supon, amás d'una prevocación, una llexitimación de la constante violación de los derechos humanos de los palestinos per parte d'Israel y, coles mesmes, una reconocencia, de facto, de la política llevada a cabu pol estáu israelín nos territorios ocupaos.
Nun queden llueñe los tiempos nos qu'un boicó a la presencia de la racista Suráfrica nos eventos deportivos oficiales ayudó a baltar l'odiosu réxime de Aparheid. Güei Suráfrica ye miembru de plenu derechu de la comunidá deportiva y foi see de dos importantes mundiales deportivos (futbol y rugby) nos últimos dos decenios. Eso mesmu queremos pa Israel y Palestina, dos país dafechu independientes, seguros, respetuosu de los derechos humanos y dafechu apreciaos ya integraos na comunidá internacional.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies