Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX va preguntar al conseyeru d'Industria pol retrasu na firma del nuevu conveniu col Ministeriu

El plenu va votar el dictame d'una proposición de llei pa la universalización de la sanidá pública que, darréu, va ser defendida por trés diputaos asturianos nel Congresu

Concha Masa, vocera axunta del grupu parlamentariu d'IX na Xunta Xeneral, cuntó esta mañana a la prensa los asuntos que la IX va llevar al plenu d'esta selmana. Ovidio Zapico va formular una entruga sobre si realmente considera'l Conseyu de gobiernu como daqué intrescendente'l que se retrasara de nuevu la firma del conveniu ente'l Principáu d'Asturies y el Ministeriu d'Industria que dexaría, en casu de suscribise, qu'Asturies pudiera beneficiase de los Fondos Mineros previstos en Marcu d'actuación pa la minería del carbón y les contornes mineres nel periodu 2013-2018

Nesti plenu, los diputaos van votar el dictame de la proposición de llei de universalización de la sanidá, d'IX, el pasu final pa unviar al congresu esta iniciativa que propón acabar colos retayos de l'atención sanitaria a distintos colectivos, ente ellos emigrantes, y mozos que tuvieron que salir d'España pa trabayar, y volver emprestar una atención universal pública y gratuita. Esta iniciativa va ser unviada al Congresu y defendida por trés diputaos asturianos. Mientres la tramitación que tuvo llugar hasta agora cuntó colos votos del PSOE, Podemos y Ciudadanos, amás de los d'IX.

De la mesma, va defendese una Proposición Non de Llei sobre financiamientu de la comunidá autónoma, que plantega unos criterios compartíos colos grupos parlamentarios, la coordinación de comunidaes autónomes colos mesmos problemes y l'información a los grupos y comunicación col espertu designáu pola comunidá autónoma sobre'l financiamientu y una interpelación sobre les midíes de conciliación familiar y trabayu que se plantegen dende la escuela.

Volver

Compartir

2014 Izquierda Xunida d'Asturies - Política de privacidad - Política de cookies