Menu

IX alvierte que la perda d'esti gravame que solo paga un 1% de la población tien consecuencies pal financiamientu de los servicios públicos que beneficien a tola población

El voceru d'IX na Xunta Xeneral del Principáu, Gaspar Llamazares, criticó güei al Gobiernu d'Asturies por callar ante l'ataque de la derecha al impuestu de sucesiones, al traviés de lo qu'al so xuiciu ye una clara manipulación de la ciudadanía, aprovechándose de la rabia" contra les instituciones y la medrana a un gravame que, sicasí, nun va afectar al 99% de la población. Nesti sentíu, el parllamentariu llamentó'l manexu, per parte d'unos pocos de la opinión pública, col únicu oxetivu de salvaguardar a les grandes fortunes. "La inmensa mayoría de los que se manifiesten nun van pagar (van tar exentos de pagu por) l'heriedu n'Asturies: tán inseguros, tienen rabia contra les instituciones y contra lo público. Podemos, en parte, entender esa sensación, pero nun podemos aceptar que, finalmente, menospréciese'l financiamientu de los servicios públicos. Nun podemos aceptar que se cuestione la representación democrática de los asturianos".

Respectu al Executivu Rexonal, Llamazares, pidió "pedagoxía" a la ciudadanía, frente al baturiciu de la derecha" que respuende a la so propia desunión tratando de sacar réditos de forma irresponsable". "Refugamos l'actitú del Gobiernu Autonómicu que Mira pa otru llau. Que nun defende pedagóxicamente l'impuestu y que dexa ante cualesquier presión los impuestos ensin tener en cuenta cualos van ser les sos consecuencies, en materia de salariu social o en relación a los servicios públicos asturianos".

La manipulación parte, precisamente, d'una medrana infundada al pagu del impuestu, que nos últimos años solo afectó al 1% per cientu de los heriedu, daqué que nun va camudar yá que, otra manera, los mínimos exentos van xubir hasta los 300.000 euros por cónyuge y fíu.