El diputáu d'IX Ovidio Zapico pidió güei, n'Avilés, un cambéu na xestión del mediu ambiente, al traviés d'una nueva Axencia creada con esti únicu fin y dependiente de Presidencia.
"El grupu parlamentariu d'IX perdió l'enfotu en materia medioambiental en Belén Fernández. Belén Fernández nun puede dirixir por más tiempu les cuestiones medioambientales d'Asturies; por eso, esiximos al Gobiernu d'Asturies que cree una Axencia de prevención y de control medioambiental y que ésta axencia dependa, tea tutelada, directamente dende presidencia y non dende la Conseyeria de Mediu Ambiente"
L'últimu episodiu contaminante que se produció ayeri n'Avilés foi la gota qu'apinó'l vasu de la paciencia d'IX. Asina, recordó Ovidio Zapico, que la formación lleva meses reclamando un gran pactu contra la contaminación y que esta propuesta demuéstrase, una vegada más, imprescindible si, de verdá, pretende atayase les crisis por polución n'Asturies.
Zapico foi especialmente duru col Gobiernu rexonal al qu'acusó d'actuar solo enguizáu por crisis puntuales en materia de contaminación. Ello ye que dixo, namái actúa "cuando la situación yá se-y escapa de les manos: ante situaciones persistentes d'inversión térmica, qu'actúa mal y tarde, o ante sucesos como'l d'ayeri que siempres va a remolque".
Na trastienda d'esta ineficacia, esplicó'l parllamentariu, la falta de prevención y de vixilancia per parte de l'Alministración que, al so xuiciu, produz una "relajacion" nes empreses. "Yo pregunto, ¿si'l Principáu actuara de forma acuciosa y llevara una vixilancia sostenida del cumplimientu de les midíes medioambientales a les que les y preses tienen que faer frente que les empeñes, sucesos como'l d'ayeri pasaríen? Posiblemente la respuesta sía non".
Pela so parte, el coordinador d'IX Aviles, Ångel Guido García, amosó la so esmolición sobre les causes de la nube tóxica, ante la medrana de qu'una falta de caltenimientu afayadizu, dada la previsión de zarru de les bateríes d'Arcelor-Mittal pa dientro de dos años, tea nel orixe. Nesti sentíu, reclamó especial atención y responsabilidá a la empresa pa evitar qu'abandone la instalación antes del cese d'actividá.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies