Menu

Argüelles reprocha que, tres 13 meses, nun tea resueltu un conflictu que pon en situación precaria a munches families.

Los trabayadores piden a Alcoa que s'implique nes soluciones.

Izquierda Xunida va tratar de visibilizar el conflictu de Montrasa-Maessa tantu n'ámbitos autonómicos como municipales, onde preve la presentación d'iniciatives nos distintos Conceyos. El coordinador xeneral de la formación, Ramón Argüelles, y la secretaria de Política Municipal, Gabriela Álvarez, axuntáronse güei con representantes de los trabayadores despidíos hai 13 meses y que clamen por una solución qu'atienda a los sos derechos, reconocíos tres la sentencia que declara la nulidá. El conflictu, a xuiciu del voceru de los despidíos, José Ricardo Martínez, afecta nestos momentos de forma directa a 34 trabayadores pero, de nun atopase una vía de resolvimientu, podríen trate afectaos otros 100. y que consideren que la situación

Argüelles aportunó na necesidá de dar una puesta respuesta a les demandes yá que, dixo, “son munches families les que tán en casa” en, añedió, una situación precaria.

La secretaria de Política Municipal quixo destacar el sofitu que, dende l'entamu del conflictu, demostró IX. “Yá va un añu que tuvimos convocaos ellí, cuando calteníen l'encierru (en Alcoa), tantu, naquel momentu, el coordinador d'IX Asturies, Manuel Orviz, como tolos representantes de los conceyos de la contorna pos, evidentemente, afecta a trabayadores de tolos conceyos”. Pa reforzar los pidimientos de los trabayadores de Montrasa, Álvarez esplicó que se van estudiar iniciatives parlamentaries, amás de treslladar a los grupos municipales d'Avilés, Castrillón, Corvera, Gozón, Carreño ya Illas, un resolvimientu de sofitu.

La situación nun ye senciella, reconoció Martínez, quien reprochó que, a pesar de que los tribunales tán dándo-yos la razón, inda nun se resolviera la situación. “Tenemos sentencies nules, toes, unes con fecha 4 d'abril y otres con fecha 18 d'abril y, a día de güei, que tamos a 3 de mayu, siguimos toos nel INEM”. Ante la falta de movimientos per parte de la compañía, los afectaos solicitaron el pasáu martes la execución de los fallos.

“Lo que solicitamos dende equí ye qu'Alcoa implíquese nesti conflictu, porque Alcoa ye firmante de los pactos d'Uviéu y queremos una solución pa los 34 trabayadores”, señaló José Ricardo Martínez, quien sollertó del riesgu que se va abrir pa tola plantiya de la compañía. “Porque, claro, si nun nos dan el puestu de trabayu y nós, porque la idea nuesa ye recurrir a Uviéu, al TSJ, nun nos van dar la obra y páguennos en casa, el problema ye que Montrasa-Maessa va vese posiblemente empuesta a empecipiar un concursu d'acreedores y, a la fin, nun vamos ser 34, vamos ser 134. Lo que nun entendemos ye la posición d'Alcoa de cerrase en banda. Yo lo que solicito ye que yá que Montrasa-Maessa foi la que unilateralmente, según la sentencia, dexó una obra que tenía hasta marzu del 18, pos que se-y vuelva dar esa mesma obra, por que, a lo menos, tenga viabilidá esta empresa y tengamos viabilidá toes el trabayadores”.

La TSXA absuelve a los trabayadores de cualquier responsabilidá nel encierre

Per otru llau, Martínez manifestó'l so prestu ante'l fallu la TSXA qu'absuelve a el trabayadores que caltuvieron l'encierre de 17 díes en Alcoa yá que, dixo, “ye firme, non cabo recursu. Tamos bien contentos”.