Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Llamazares acusa a Blanco de desabrise del conflictu colectivu del ITMA

El voceru d'IX sorraya que la Fundación nun ye ayena al Gobiernu y ye el buque insinia de la investigación aplicada n'Asturies

El conseyeru d'Emplegu ya Industria, Francisco Blanco, desabrir del conflictu colectivu de la Fundación ITMA (Institutu Tecnolóxicu de Materiales d'Asturies). Asina quedó constancia tres la entruga formulada pol voceru parlamentariu d'IX na Xunta Xeneral, Gaspar Llamazares, nel plenu del parlamentu autonómicu. A xuiciu de Blanco'l conflictu colectivu del ITMA nun ta nel ámbitu de les sos competencies, sinón nes de los tribunales, que van ser los que tengan qu'adoptar les midíes que correspuendan. Gaspar Llamazares, otra manera, alvirtió per enésima vegada que la fundación

ITMA nun ye daqué ayeno al Gobiernu, y la so alianza con Prointec ye “el buque insinia de la investigación aplicada del Gobiernu, al pie de la Mazana del Aceru”.

Llamazares alvirtió qu'esta cámara yá vio problemes  qu'empezaron con disolución de la Área d'Enerxía, con espedientes xudiciales que perdió de cutio la empresa, la perda d'un terciu de los 16 patronos  y finalmente el paralís del comité d'empresa y agora el conflictu colectivu. “¿Al Gobiernu nun-y importa?, preguntóse'l diputáu d'IX. Llamazares aseguró que'l Gobiernu ta equivocáu porque forma parte del Plan de Ciencia y Tecnoloxía y yá que'l Gobiernu tien representantes nel patronatu, “daqué va tener que dicir”, porque amás “añu a añu financiámoslos y la Sindicatura de Cuentes diz que forma parte de los entes que tienen de dar cuenta. “Toi cansáu de preguntar al Gobiernu porque refuga una responsabilidá nesta materia”, clamó.

A xuiciu de Llamazares esti asuntu va más allá d'una fundación o otra, “porque ye la representación del motín del Caine, que la responsabilidá nun yera de los remontaos, sinón del capitán”. “Da la sensación de que tenemos unos responsables al mandu de les principales entidaes d'investigación que namá se queden cola parte empresarial y desábrrense de la investigación. Eslleieron la Área d'Enerxía y Agora la de Fotónica. Usté respondióme que yera pa salvar a la empresa de les resultancies negatives, y paradóxicamente l'área de Fotónica yera la que más beneficios tenía y esaniciaranla”, esplicó.

Llamazares pidió a Blanco que busque otres escuses y nun refugue responsabilidaes, yá qu'al so xuiciu tratar del buque insinia de la investigación aplicada y pon en crisis al Plan investigación, porque nun ye un fechu aislláu, sinón qu'asocede coles beques d'investigación y nel contratu programa de la Universidá. Al so xuiciu'l Gobiernu “namái da llargues y nun asume responsabilidá política.  Nun ye d'estrañar que pasemos de la escala entemedia a la más baxa en materia d'investigación”, espetó Llamazares.

El Conseyeru esplicó que'l Gobiernu  non se despreocupa, pero'l  ITMA fixo un plan estratéxicu con una consultora y foi bien visto pol patronatu qu'inclúi estes midíes. El conflictu colectivu dixo, afecta solo a 6 de los 33 trabayadores que se recoloquen, d'un total de 117.

Volver

Compartir

2014 Izquierda Xunida d'Asturies - Política de privacidad - Política de cookies