La secretaria de Movimientos Sociales, Mayka Barros, destaca qu'un día como güei, en 1808 miles de persones empecipiaron una rebelión que supunxo, per vegada primera, la declaración de la soberanía popular
Izquierda Xunida sumase al manifiestu en defensa del 25 de mayu, impulsáu al pie de Asturies Laica, Atenéu Republicanu d'Asturies, Atenéu Obreru, Suatea y Esquierda Asturiana, coles mires de reconocer y dignificar esta fecha como unu de los finxos na hestoria de la democracia na comunidá autónoma. La secretaria de Movimientos Sociales, Maya Barros, destacó la importancia d'esta conmemoración: “El 25 de mayu de 1808 miles y miles de paisanos y paisanes veníos de toa Asturies asaltaron la fábrica d'armes d'Uviéu y, con ello, empezaron con una rebelión que terminó cola declaración de la soberanía popular, daqué tan importante como que'l poder, tol poder, mora y emana del Pueblu”.
Nestos momentos, añedió Barros, cuando la corrupción, la crisis y les polítiques de retayos tán provocando la desafección de la ciudadanía, “paeznos fundamental reivindicar un día nel que se declaró la soberanía popular”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies