El diputáu d'IX pregunta qué fizo Isaac Pola pa cumplir cola PNL aprobada na Xunta qu'esixía la integración na SEPI de les empreses del suroccidente nel mes de payares
Zapico considera que se confunde quien fala de descarbonizar ensin garantizar la reindustrialización y el futuru de les cuenques
Ovidio Zapico, diputáu d'IX na Xunta Xeneral, alvierte de que la única solución pa la situación de Uminsa pasa pola nacionalización. Asina d'atayante amuésase'l diputáu d'IX, responsable d'Industria énte l'amenaza inminente de lliquidación. La nacionalización dexaría caltener l'emplegu y la estracción d'un recursu autóctonu que tendría de tener el so espaciu nel mix enerxéticu nacional.
El diputáu d'IX pregunta qué fizo Isaac Pola, hasta agora Director Xeneral d'Industria, nos próximos díes Conseyeru d'Industria, Emplegu y Turismu, pa dar cumplimientu a la Proposición non de llei de la Xunta Xeneral presentada por IX y sofitada por Podemos y PSOE, el 4 de payares de 2016, na que s'encamentaba al executivu autonómicu a abrir víes col Gobiernu Central por qu'empecipie un procesu d'integración na SEPI (Sociedá Estatal de Participaciones Industriales) de toles empreses mineres del suroccidente asturianu (Asturlleonesa, Uminsa, Uminsa Pilotuerto y Carbonar), partiendo de parte d'una declaración aprobada por unanimidá de tolos partíos políticos con representación nel Conceyu de Degaña, PSOE, PP, Foru, PCP ya IX. “Tarrezo que nun fizo nada. De faelo, posiblemente la situación de Uminsa fuera distinta”, alvierte'l diputáu d'IX. Los trabayadores y les cuenques asturianes del suroccidente y les del norte de Llión tán siendo abandonaos a la so suerte y confúndese o actua de forma malintencionada quien fala de la descarbonización ensin garantizar la reindustrialización y el futuru de les cuenques mineres, acaldía más n'entredichu”, alvierte'l diputáu d'IX.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies