L'Área d'Educación d'IX d'Asturies llama a participar na movilización pola integración de la Rede d'Escueles Infantiles 0-3 na Conseyería d'Educación.
Izquierda Xunida d'Asturies súmase al traviés de la so Área d'Educación a la “III Marcha del Chupu”, convocada pola Plataforma en defensa del 0-3 públicu y gratuitu, que va tener llugar el próximu sábadu, 3 de xunu, n'Uviéu.
L'Área d'Educación llama a participar na movilización para reivindicar una vegada más la integración de la Rede d'Escueles Infantiles 0-3 na Conseyería d'Educación al entender que ye la única vía válida para avanzar nun sistema universal, públicu y gratuitu.
Pa IX, la integración de la Rede 0-3 na Conseyería, que tien d'asumir el total de la xestión, tien de dir acompañada del desenvolvimientu de midíes que contribuyan a ameyorar la calidá y la calidez na etapa que reivindiquen dende la Plataforma: la pareya educativa, la estabilidá de les plantiyes docentes o la igualdá nes condiciones d'accesu de les families son elementos irrenunciables.
La marcha va salir de la Estación de Renfe d'Uviéu (cai Uría) a les 12.00 hores.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies