Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Llamazares esixe a Fernández un golpe de timón pa que'l Gobiernu recupere la dinámica

Califica de decepcionante el balance de llexislatura y reclama al executivu xuna política d'aliances

Un balance decepcionante. Asina definió Gaspar Llamazares, voceru parlamentariu d'IX na Xunta Xeneral, la respuesta de Javier Fernández a los sos dos años de resume de llexislatura efectuada güei nel plenu y les sos perspectives de futuru, poles que preguntaba'l parllamentariu d'IX. Llamazares esixó al presidente del Principáu un golpe de timón pa recuperar la dinámica” d'un Gobiernu conformista” que ve perbién lo propio y critica lo ayeno, según la política d'aliances, dixo en referencia a les palabres de Fernández que responsabiliza a los demás de que la izquierda nun s'entiende y fala “d'una recuperación que transciende de la política de la comunidá autónoma”. Llamazares tamién demandó “mires” pa camudar la rocea actual

Javier Fernández na so primer intervención respondió al voceru d'IX calificando de “bonu” el descensu del paru, la recuperación económica y na meyora de los servicios esenciales a los ciudadanos, sanidá, educación y servicios sociales mientres estos dos años. Como “aceptable” defendió tolo que tien que ver na capacidá d'alcuerdos y “regular tirando a malu” la cuestión propagandística y de autobombo. De la mesma, sostuvo que les perspectives son bones na midida que los vientos de cola sigan en relación al emplegu y a la crecedera. Pa los dos próximos años plantégase dos alcuerdos pa escosar la llexislatura, el de la área metropolitana y un “gran alcuerdu real” sobro'l pactu demográficu.

Llamazares, qu'aseguró que “el conformista ve perbién lo propio y críticamente lo ayeno” y responsabiliza a los demás, en concretu Javier Fernández failo con Podemos sobro la imposibilidá de llegar a alcuerdos na izquierda. La recuperación transciende de la política de la comunidá autónoma, espetó al Presidente Gaspar Llamazares, quien puntualizó que ye una “recuperación” inxusta y probe. A media llexislatura, siguió Llamazares ye tiempu de consolidar les iniciatives de la primer parte, anque equí síguese na inercia y el conformismu”, como asina realizó la crisis de gobiernu recién.

En relación a les principales polítiques, que taben nos alcuerdos de investidura, IX tien xuna visión bien crítica, non catastrofista, aseveró el voceru d'IX, quien tamién-y indicó a Fernández que tendría de ser más “equilibráu” porque'l conformismu ye'l fracasu de la política.

Con decepción ve'l parllamentariu d'IX la parte del alcuerdu que se refier a rexeneración democrática, qu'esmolez al conxuntu del país, y que les sos iniciatives tán bloquiaes, non namái por culpa del executivu. “Nin reforma electoral nin de llei de tresparencia nin oficina anticorrupción y la de llei sobro participación naide sabe ónde ta”, concretó sobro les lleis incluyíes nos alcuerdos. “Suspendemos en rexeneración democrática y tendría d'esmolecenos porque ye esixencia de los asturianos”, dixo.

Na parte “esencial”, nos servicios públicos, IX considera que'l Gobiernu “vive de les xestes pasaes”, d'un bon entamu en sanidá y educación, pero ensin proyectu de llexislatura nestos momentos. ¿N'educación, ónde ta cero a trés, onde'l contratu programa de la Universidá?, preguntó Llamazares. En materia sanitario, ¿ú el plan de salú mental, onde'l decretu llistes espera o la reforma de primaria? Nun tán, respondió.

Lo más esmolecedor ye que, a xuiciu del parllamentariu d'IX, nes temes estratéxiques a les que se refier (el modelu territorial, el medioambiente, el modelu poblacional) nun esisten meyores, igual que nes relaciones col Gobiernu central. Llamazares sí reconoció qu'aprobaron un presupuestu, col PP, o llegaron a un alcuerdu de concertación o un pactu antiviolencia de xéneru y sobro les infraestructures que demandar al executivu central.

Javier Fernández, qu'aseguró que va terminar la llexislatura como presidente, sostuvo qu'a pesar del alcuerdu de investidura, IX tuvo reticencies dende un principiu y quixo cogobernar y, al empar, criticar.

Volver

Compartir

2014 Izquierda Xunida d'Asturies - Política de privacidad - Política de cookies