Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Argüelles califica de 'migayes' los presupuestos del estáu p'Asturies y critica a 'les dereches' pol so trunfalismu

El coordinador xeneral d'IX Asturies, Ramón Argüelles, criticó güei'l trunfalismu y l'allegría de les dereches asturianes de PP y Foro al respective de los presupuestos xenerales del Estáu pa la Comunidá Autónoma.

P'Argüelles nun hai motivu de prestu nunes cuentes que dexen p'Asturies “les migayes” d'una llacuada en País Vascu y Canaries.

Argüelles, non ensin ironía, señaló que nun sosprendía l'allegría nes files populares, un partíu al que tamién-y paecía perfecto que'l fiscal anticorrupción, acabante dimitir, tuviera una empresa offshore en Panamá daqué que, añedió, pue ser llegal pero que nun paez “ético”.

“Si tán contentes les dereches asturianes, cómo van tar nel País Vascu, que van recibir 4.200 millones d'euros pol cupu, que van tener, a diferencia d'Asturies, un tren d'alta Velocidá, con accesos a Bilbao y a Vitoria”, afirmó'l coordinador d'IX, en referencia al soterramientu tamién arrincáu de les víes ferriales en dambes capitales.

Frente a ello, preguntóse Argüelles, “¿tán tamién contentes les dereches asturianes col aparcamientu definitivu de proyectos tan emblemáticos como'l metrotren de Xixón, el soterramientu de les víes de FEVE en Llangréu, o la petrina ferrial d'Avilés?”

Pal máximu responsable d'IX Asturies, a la comunidá lléguen-y los restos: “unes migayes pal AVE, unes migayes pal Prerrománicu y pal teatru de la Ópera n'Uviéu nun ye un balance satisfactoriu”.

Y ye que, afirmó Ramón Argüelles, “la sociedá asturiana precisa muncho más, máxime cola cifra de paraos que tenemos y cola falta de servicios sociales pola que tán pasando munches families. Pa Izquierda Xunida nun ye un bon día y tampoco tamos contentos colo que los Presupuestos Xenerales del Estáu traxeron a Asturies”.

Volver

Compartir

2014 Izquierda Xunida d'Asturies - Política de privacidad - Política de cookies