Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

09/06/2017

IX quédase sola nel refugu a la reforma de sucesiones apautada por PSOE y PP y que prácticamente suprime l'impuestu

Llamazares diz que la FSA arrenuncia al cambéu políticu escontra la izquierda y llamenta "la debilidá ideolóxica" de Podemos pola so astención

Izquierda Xunida quedóse sola en defensa d'una enmienda a la totalidá a la reforma del impuestu de sucesiones, apautada pol PSOE y el PP y que supon, prácticamente, la desapaición d'esti impuestu, que dexa exentu de tributu un mínimu de 300.000 euros per proxenitor y fíu, de forma qu'una familia con cuatro miembros, nun va tener que pagar nada sacantes el so patrimoniu en gananciales supere 1,2 millones d'euros.

El voceru d'IX na Xunta Xeneral del Principáu Gaspar Llamazares llamentó la resultancia de la votación que, al so xuiciu, tien mayor caláu qu'el d'un meru recuentu de sofitos. “Pasó daqué grave na Cámara autonómica, que per una parte el Gobiernu y la Federación Socialista Asturiana (FSA) pasaren el Rubicón del arrenunciu al cambéu políticu n'Asturies, a un cambéu necesariu, d'izquierdes, y, per otra parte ye incomprensible la debilidá ideolóxica y la falta de coherencia d'otros partíos, nesti casu de Podemos que ye incapaz d'enfrentase a una reforma fiscal que significa la lliquidación del impuestu de sucesiones y donaciones”.

El cambéu impulsáu por socialistes y populares ye, a xuiciu de Llamazares, una mala noticia, tanto dende la perspectiva política como de la equidad y la xusticia social, que supon la eliminación d'unu de los impuestos más xustos, directos y con capacidá pa la redistribución, por culpa de que va sobre'l patrimoniu real y qu'afectaba, realmente, a pocu más del 2% de la población asturiana, la más rica y acomodada. “Un impuestu sobre la riqueza, unu de los más xustos y directos qu'esisten, que incomprensiblemente nun tien una posición clara per parte de la izquierda: nin per parte de la FSA, qu'apauta col PP baltar l'impuestos, nin per parte de Podemos que s'abstien nuna votación yo creo que crítica del Gobiernu y de la llexislatura d'esta comunidá autónoma”.

Volver

Compartir

2014 Izquierda Xunida d'Asturies - Política de privacidad - Política de cookies