Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

19/06/2017

Argüelles reclama en Asturforesta la meyora de les comunicaciones al Suroccidente y rellanzar el mediu rural como sector estratéxicu

El coordinador xeneral d'IX d'Asturies, Ramon Argüelles, reivindicó güei en Tinéu, nel marcu de la feria Asturforesta, la meyora de les comunicaciones col Suroccidente asturianu, cola culminación de dellos proyectos ensin finar.

Amás reivindicó la necesidá de poner midíes que dexen rellanzar el mediu rural asturianu como un sector estratéxicu. Nesti sentíu, Argüelles recordó que n'España esiste un déficit en producción láctea que tendría que sirvir pa reforzar les esplotaciones de lleche asturianu. Sicasí, llamentó, ésta nun ye la situación, yá que se cerraron esplotaciones de tala forma que, si fai 30 años había más de 30.000 granxes de lleche, nestos momentos apenes se superen les 2000.

Argüelles fizo un paralelismu colo que ta asocediendo col carbón, por culpa de que a pesar de que se sigue quemando nes térmiques, ye fundamentalmente carbón importáu, munches vegaes de sangre, de la que les mines asturianes tán cerrándose.

Ramon Argüelles visito güei Asturforesta al pie de la vocera d'IX en Tinéu, Eva Fernández, y el coordinador nesi conceyu, Víctor Álvarez. La conceyala reivindico la importancia d'actividaes como esta feria que, destaco, atopase ente les más importantes d'España y d'Europa, dáu'l so calter internacional.

Volver

Compartir

2014 Izquierda Xunida d'Asturies - Política de privacidad - Política de cookies