Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Llamazares noma d'efectista la incorporación de psicólogos a los centros de salú

El Voceru d'IX alvierte de que les improvisaciones pueden abaruyar más que favorecer

Gaspar Llamazares, voceru parlamentariu d'IX na Xunta Xeneral, considera que la decisión de la conseyería de Sanidá decidió d'incorporar l'atención psicolóxica en dellos centros de salú como programa pilotu en psicoterapia, más allá del so efectismu mediático, afecta al modelu consolidáu d'Atención primaria de salú y coles mesmes al modelu de referencia de salú mental asturianos, nestos momentos aquexaos polos retayos, pola presión asistencial y la falta d'un proyectu claru de reforma y revitalización per parte de la Conseyería y el SESPA. “Ello ye que la reforma del Plan de Salú Mental ta tan pindia como la refundación de l'atención primaria”, alvierte Llamazares.

Pa Llamazares énte la delicada situación de primaria y de salú mental les improvisaciones y los xestos pa la galería pueden aburuyar más que favorecer. Tamién sostien que, cuandoquier, “resulta interesáu que quien baltaron el Plan de Salú mental lideren agora l'escurrimientu d'entemecer l'atención primaria y la de salú mental”.

El voceru d'IX pregunta al Gobiernu en qué argumentos y esperiencies básase la midida d'incorporación de la sicoterapia a l'atención primaria como proyeutu pilotu; si esiste una valoración d'impactu de la midida tanto en términos de demanda sanitaria, la integralidá de l'atención como sobro los subsistemas d'atención primaria y de salú mental y coles mesmes sobro les relaciones y derivaciones ente dambos; tamién si la Conseyería previó un sistema d'indicadores y d'evaluación de la midida pilotu de descentralizar l'atención psicolóxica dende la so situación actual en salú mental a l'atención primaria y en qué proyectu de revitalización de l'atención primaria y la salú mental asturianes encuádrense esti tipu de midíes y con qué participación profesional y ciudadana cuntaron.

Volver

Compartir

2014 Izquierda Xunida d'Asturies - Política de privacidad - Política de cookies