La eurodiputada d'IX considera la situación del 20% de la plantiya "inaudita", en "una institución que pretende faer cumplir con rigor les normes, los trataos, y les riegles de tola Unión a los Estaos miembros”.
La eurodiputada d'Izquierda Xunida Ángela Vallina calificó ayeri de “inaudito” que la Comisión Europea tenga contratada de forma temporal al 20% de la so plantiya y acusó a la institución comuñal de tar discriminando a estos trabayadores, yá que nun tienen les mesmes posibilidaes p'aportar a un puestu fixu cuando s'abren concursos públicos.
Nun alderique na comisión de Pidimientos (PETI) el martes, Vallina defendió'l pidimientu presentáu por más d'un centenar d'axentes contractuales de la Comisión Europea, que denuncien que los sos contratos tán llindaos a un máximu de seis años y qu'una vegada s'abre una oposición pa optar a la plaza fixa, namái pueden optar al 5% total de les vacantes.
Vallina afirmó qu'esta situación “ye inaudita pa una institución que pretende faer cumplir con rigor les normes, los trataos, y les riegles de tola Unión a los Estaos miembros”.
Na so opinión, con esta forma de contratación – qu'afecta a 7.000 trabayadores- “esclúyise de forma resalvada pero efectiva a les mesmes persones que mientres seis años fueron formaes nel so trabayu, pero que dempués nun pueden competir nes mesmes condiciones qu'otros trabayadores". "Too esto, amás de ser ilóxico en términos llaborales, ye ilóxico tamién en términos económicos, porque'l costu de formación de los trabayadores solo s'amortiza col tiempu. Y equí falamos tamién de dineru público”, dixo.
“Creo que la mesma Comisión Europea ta, ensin dulda, incumpliendo un principiu básicu: el de non discriminación”, dixo Vallina, pa quien “lo mínimo que se debe faer ye estudiar el casu en mayor fondura pa ver cómo camudar les normes que regulen les condiciones del personal de les instituciones europees”.
La eurodiputada defendió que'l pidimientu permaneciera abiertu y que s'incluya na sesión que PETI va faer la próxima seronda sobro la precariedá de los trabayadores.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies