Menu

El grupu parlamentariu d'IX pide un plan d'afitamientu y renovación de les infraestructures sanitaries, estableciendo un proyectu pa los próximos años nel que se priorice la rehabilitación, meyora y estensión d'aquelles más cercanes a los ciudadanos, cuantimás pa los centros d'atención primaria, los consultorios y los d'atención sociosanitaria y de crónicos.

De la mesma, Gaspar Llamazares, voceru parlamentariu d'IX na Xunta Xeneral, considera necesariu un plan de modernización tecnolóxica de los distintos dispositivos sanitarios coles mires del so funcionamientu integráu.

A xuiciu de Llamazares, ye necesariu que'l Gobiernu afite les sos prioridaes y nos próximos años estes sían les de la meyora de l'atención primaria, tanto na meyora y renovación de los centros de salú, de salú mental o consultorios y los sos equipamientos tecnolóxicos. Ye cierto, que nos años anteriores les inversiones fueron pa la puesta en marcha del nuevu HUCA y el nuevu Hospital Álvarez Buylla, y agora

ye necesario que les inversiones públiques n'infraestructures y equipamientos sanitarios sían nel restu de les árees y niveles d'atención sanitarios porque sufrieron el retayu y el retrasu de les inversiones públiques. Tamién reconoz que mientres anguaño 2017 recuperóse una parte menor de la inversión cola aprobación del creitu estraordinariu, del cual una parte foi a infraestructures y dotaciones del ámbitu sanitariu, como son los nuevos centros de Les Vegues, La Pola L.lena, o les meyores de Mieres, Casu, Rusecu, Sotrondio o les del Hospital de Cabueñes…

Llamazares acaba de rexistrar una batería d'entrugues nesti sentíu:

1) ¿Pa cuándo tien prevista'l gobiernu la ellaboración d'un plan d'inversiones en reposición y adecuación, según en nueves inversiones y equipamientos na sanidá asturiana col horizonte del añu 2020?

2) ¿Cuál ye la situación actual y les necesidaes d'inversión a curtiu y mediu plazu de les infraestructures y equipamientos sanitarios per cada área sanitaria y nos distintos dispositivos y niveles d'atención?

3) ¿Qué previsiones d'inversión urxente hai de la so conseyería n'infraestructures, equipamientos y dotaciones técniques.