Izquierda Xunida d'Asturies, énte les situaciones de machismu intolerable vivíes mientres la fiesta del Carmín, en Pola de Siero, quier manifestar públicamente la so condena a cualquier forma de violencia machista.
Asina mesmu, reclamamos protocolos por que los cuerpos de seguridá del Estáu intervengan en casos como'l que se vivió güei nestes fiestes, cuando, énte la denuncia per parte d'activistes feministes de lemes machistes, qu'afalaben a agresiones sexistes, los prevocadores amenaciaron a les compañeres, ensin que la policía diera una respuesta inmediata a esta situación.
Pa Izquierda Xunida ye imprescindible llograr la celebración de cualquier festexu llibre d'agresiones, onde les muyeres sintámonos cómodes y el conxuntu de la sociedá tome parte activa n'acabar con esta lacra machista.
Por tollo, dende Izquierda Xunida d'Asturies vamos siguir trabayando por que tolos Conceyos desenvuelvan protocolos que faigan de les fiestes un espaciu seguru pa les muyeres y llibre de la violencia machista.
La secretaria d'Igualdá d'IX Asturies, Nidia Gómez, reclamó tolerancia cero contra cualquier tipu de violencia yá que, dixo, "nun país, onde más de 30 muyeres fueron asesinaes no que llevamos d'añu, creemos que nun podemos consentir nenguna agresión nin actitú machista más. Les muyeres tenemos derechu a esfrutar de les fiestes, n'igualdá, ensin sufrir nengún tipu d'agresión machista".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies