Menu

Convida al PP d'Asturies a que se ponga a trabayar, por casu, por que Madrid desbloquie la especialidá d'asturianu

El Partíu Popular decidió llanzase a una cruzada en contra de la llingua asturiana. Asina define la diputada del grupu parlamentariu d'IX Concha Masa la decisión del PP asturianu de recurrir énte'l Tribunal Cimeru de Xusticia'l plan piloto de la Conseyería d'Educación pa usar l'asturianu n'asignatures de ciencies sociales, naturales, educación física o artística. La diputada d'IX convida al PP a dexar a un llau esa actitú negativo y destructivo en contra de la nuesa llingua, y collaborar por que, ente otres coses, el Gobiernu central, del so mesmu partíu, desbloquie, d'una vegada, la especialidá d'asturianu pa tolos docentes que tán esperando por ella. La diputada recuerda que la Comisión creada pol Ministru d'Educación nun ta sirviendo más que pa dilatar la situación de los docentes d'asturianu que se ven obligaos a ser interinos sine die.

“N'IX, defendemos la llingua asturiana como valor cultural ya identitariu d'Asturies y creemos que ye un derechu y un deber de tola ciudadanía asturiana caltenelo y tresmitilo a les xeneraciones socesives. Ye tamién un deber del Gobiernu implementar toles midíes necesaries pa garantizar esti derechu” alvierte Concha Masa.