Menu

Ovidio Zapico alvierte de que'l Presidente arropa a un cacique qu'echa per tierra'l llabor d'investigadores y conseyeros nel Castru de Chao Samartín

Ovidio Zapico, diputáu d'IX na Xunta Xeneral, denuncia que l'alcalde de Grandas de Salime apoderase d'una competencia autonómica como ye'l patrimoniu arqueolóxicu, establecida nel artículu 10.1.18 del Estatutu d'Autonomía, cola complicidá de Javier Fernández que, a lo último sale de Presidencia p'arropar a un cacique”. IX nun da creitu énte'l fechu de que sía un Alcalde quien presente al traviés de los medios de comunicación un proyectu de restauración pal castru de Chao Samartín y eche per tierra'l llabor realizáu por un prestixosu equipu d'investigadores a lo llargo de los últimos años, y, al empar, por tolos Conseyeros y Conseyeres socialistes que precedieron al Conseyeru actual, Xenero Alonso.
 
Dende IX, Ovidio Zapico alvierte de que l'Alcalde de Grandas sigue prohibiendo l'accesu a los investigadores, ayeri nengún   técnicu de la Conseyería foi convidáu nin tuvo presente na visita; per otru llau, el Gobiernu autonómicu sigui incumpliendo los alcuerdos de la Xunta Xeneral del Principáu, incluyíos aquellos que respondió por l'anterior conseyera, Ana González.
 
IX apunta tamién que voces especialistes nel senu del Conseyu de Patrimoniu yá alvirtieron de la catástrofe que puede suponer “esti modelu de xestión despótica, desprofesionalizada y caciquil”, según Ovidio Zapico. El grupu parlamentariu d'IX na Xunta Xeneral rexistró una batería d'entrugues pa conocer hasta l'últimu detalle de “esti despropósitu”.
 
Ovidio Zapico esixe'l Gobiernu del Principáu qu'asuma les sos responsabilidaes y competencies, d'una vegada por toes, y que non dexe la protección, caltenimientu ya investigación d'un importante patrimoniu cultural de tolos asturianos en manos de Eustaquio Revilla.