Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

30/08/2017

IX va facer allegaciones al Plan de Residuos pa esaniciar la valorización enerxética y aumentar el presupuestu pa los conceyos

Llamazares convencíu de que'l Gobiernu va refugar la quema de borrafes n'Hunosa

Izquierda Xunida d'Asturies va presentar allegaciones al Plan de Borrafes del Principáu al considerar que'l proyectu final pa les borrafes que presenta'l mesmu nun ye acorde colos planteamientos de la coalición que prefier una valorización química, tresformando'l combustible sólidu recuperáu n'alcoholes. IX va solicitar que s'esanicie esi tipu de valorización enerxética porque nun ye necesaria y escapa a la lóxica del plan, a xuiciu d'Ángel Álvarez, responsable de Mediu Ambiente de la coalición. Tamién va demandar nos citaos allegamientos l'aumentu del sofitu a los conceyos por que tengan más dotación económica pala planificación, el fomentu del reciclaxe y la recoyida selectiva n'orixe.

Ramón Argüelles, coordinador xeneral d'IX d'Asturies, esplicó esta mañana na Xunta Xeneral, que la coalición ta d'alcuerdu nun 90% col Plan de Borrafes, qu'ente otres cuestiones esanicia l'alternativa mediaoambientalmente non asumible de la incineradora, pero nun ta d'alcuerdu nel procedimientu final propuestu pol Conseyeru, esto ye, la posibilidá de quemar combustible sólidu recuperáu (CSR) en cuenta de tresformalo n'alcoholes que puedan ser utilizaos pola industria. Les diferencies atopales en qué faer con esi combustible sólidu recuperáu que yá ta inertizáu. IX demandó la implicación de la Universidá d'Uviéu y Hunosa pa llograr qu'esi CSR tenga un valor añedíu y pueda ser integráu nel ciclu económicu al traviés d'un combustible líquidu y llograr la creación d'emplegu.

Gaspar Llamazares reprochó al Gobiernu'l tracamundiu qu'introdució'l Gobiernu nuna materia na que nun tien convencimientos pal desenvolvimientu d'un modelu alternativu y sostenible –falando de quemar el CSR na térmica de La Pereda d'Hunosa-, sinón que tien en mente'l vieyu modelu de combustión. Llamazares aseguró que'l Gobiernu metió “de rondón” el proyectu de quemar n'Hunosa pero tamién s'amosó convencíu de qu'esta postrera alternativa va ser finalmente refugada porque nun tien sofitu nel parlamentu asturianu.

IX, nesti sentíu, esplicó'l voceru nel parlamentu, nun quier planteamientos entemedios, sinón llegar hasta'l final nel cambéu de modelu de xestión de borrafes, na reutilización, el reciclaxe y l'amenorgamientu. Esi ye'l cambéu qu'IX va defender tamién al traviés d'una Proposición Non de Llei nel Parlamentu por que la xestión sía la d'un ciclu completu y utilice la borrafa como recursu y nun se quede nin na combustión, como pasu entemediu, nin tanto na incineración. “Ye un modelu que va riquir muncho trabayu”, alvirtió en referencia al amenorgamientu n'orixe, el reciclaxe y convertir les borrafes nun recursu, que ye lo que plantega'l Plan de Borrafes.

Volver

Compartir

2014 Izquierda Xunida d'Asturies - Política de privacidad - Política de cookies