Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Ovidio Zapico: 'les visites del Ministru de la Serna caltericense por nun tener nin una mala palabra nin una bona obra'

El diputáu d'IX considera qu'Asturies cuerre peligru de nun tener cercaníes cuando'l Ministru tenga'l Plan

Ovidio Zapico, diputáu d'IX, responsable d'asuntos d'Infraestructures, alvierte de que les visites del Ministru de Fomentu, Iñigo de la Serna, lleven como lema “nin una mala palabra nin una bona obra”. A xuiciu del diputáu asturianu tamos énte'l Ministru viaxeru que nun concreta nin l'apertura d'un solu kilómetru ferroviariu nin de carreteres mientres los responsables autonómicos sáquense semeyes con él de “bon rollito”.

Pa Ovidio Zapico el llabor d'Iñigo de la Serna resumese hasta agora en retrasos. Primero retrasó la Variante de Payares y agora retrasa les cercaníes ferroviaries y confundir con un plan interregional pa Feve. Les cercaníes ferroviaries que sufren un día sí y otru tamién cancelaciones, averíes, retrasos, falta de caltenimientu de víes, cayíes de catenarias…. nun pueden esperar más y los viaxeros tán escosando la so paciencia y escoyendo otros medios de tresporte daes les incógnites que tienen cada vez que se dirixen al so trabayu o pa esfrutar de momentos d'ociu. “Si tarda más en presentar lo qu'él llama otru plan de cercaníes pa tol Norte, nun va haber cercaníes nin FEVE porque s'esbarrumbaríen”, alvierte'l diputáu de la que reclama axilidá nes inversiones y que dexe d'amoriar la perdiz. De nun ser asina va acabar convirtiéndose en “Naide va falar de nós cuando morriéramos”.

IX reclama al Ministru un calendariu que recueya los plazos y les inversiones pa les cercaníes asturianes.

Volver

Compartir

2014 Izquierda Xunida d'Asturies - Política de privacidad - Política de cookies