Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

14/09/2017

Lastra reconoz a IX les superaciones de les llendes de contaminación en Xixón

Ovidio Zapico alvierte de les fundaes duldes sobro la homologación de les estaciones del principáu y reclama actuaciones yá

El Conseyeru d'Infraestructures, Fernando Lastra, reconoció esta mañana los problemes de calidá del aire que soporten los vecinos de la zona Oeste de Xixón, per primer vegada na cámara asturiana frente a la negación y los datos trunfalistes del anterior responsable, actitú que denunció reiteradamente Izquierda Xunida. Ovidio Zapico, el diputáu d'IX, que güei apelló al Gobiernu sobro los planes calidable del aire de Xixón, que calificó de desaxeradamente continuistas y poco ambiciosos nes sos actuaciones, llamó l'atención sobro les fundaes duldes tocantes a la homologación de les estaciones de midida del Principáu y punxo de relieve les diferencies de midida n'El Lloredal coles de la estación móvil del Conceyu de Xixón. Estes postreres recueyen que nel parque del Lloredal unu de cada trés díes devasar los índices de partícules sedimentables (PM10). Zapico demandó actuaciones yá.

Lastra puntualizó l'eleváu númberu de superaciones de partícules sedimentables na zona d'El Lloredal, d'orixe mayoritariamente industrial, y que se produz una medría de madrugada. El Conseyeru reconoció que se rexistraron valores cimeros de PM10 na redolada de l'avenida d'Arxentina, na rede privada de Tremañes y Jove…. resultancies que, al so xuiciu, aconseyen un captador de partícules PM10. A fecha del 18 agostu'l valor mediu periodu yera de 43,6 micres per metro cúbicu, con un númberu de superación del valor llende diariu de 85 díes sobro 158 díes , xuna superación de 33%, puntualizó Lastra. “Reconozo qu'esta zona precisa caltener una actuación más firme, más intensa porque tien valores cimeros de los del restu de la ciudá, que caltenemos dientro de la normativa, afortunadamente.

De la mesma, aseguró que la contaminación producierase n'horariu nocherniegu y que tán tratando d'analizar col Conceyu cuál ye la causa, y si pudiera achacase, dáu l'horariu, a una medría d'emisiones industriales. Tamién adelantró na cámara asturiana que va revisar l'anterior estudiu de l'alministración autonómica qu'atribuyía un 50% de la contaminación al tráficu y daqué menos de la otra metá a la industria.

El diputáu d'IX, Ovidio Zapico, denunció mientres la so intervención les faltes del plan de calidá del aire de Xixón, que la so revisión conociérase'l día 9 d'agostu. Estes refiérense, como rellató'l diputáu d'IX, a que'l plan nun desenvuelve protocolos d'actuación en casos d'anomalíes, como l'asocedida n'Avilés a primeros d'añu en primer llugar. Tampoco nun refuerza la inspección con más recursos humanos, que son pocos pa encetar incidentes en materia de contaminación, n'Asturies y en Xixón; la revisión de les autorizaciones ambientales integraes nun plantega un calendariu d'inversiones concretu nin apautáu cola industria asturiano. Tampoco nun s'escucharon les distintes propuestes de meyora que'l parlamentu, a instancies d'IX aprobó nel periodu anterior en relación al puertu d'El Musel y el manexu de minerales, nos qu'aseguró, prodúxose con práctiques más propies de países subdesenvueltos, que de puertos cercanos Como A Coruña o Santander. De la mesma realiza una referencia bien analaya a la movilidá, polo que ye obligao ser más ambiciosos y superar los planes movilidá locales y trabayar n'unu pala área central.

A xuiciu d'Ovidio Zapico el nuevu plan de calidá del aire de Xixón nin amplía nin reasitia les estaciones de midida, estaciones que pal diputáu presenten “series duldes” tocantes a la so homologación.

Volver

Compartir

2014 Izquierda Xunida d'Asturies - Política de privacidad - Política de cookies