Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

05/10/2017

IX denuncia l'ausencia de fecha pala firma del contratu programa cola Universidá

Concha Masa reclama saber cuándo y cómo, los oxetivos y los indicadores d'evaluación

La firma y la publicación del contratu programa o financiamientu por oxetivos ente la Universidá y el Principáu d'Asturies entá nun tien fecha. Asina lo punxo de manifiestu'l Conseyeru d'Educación, Genaro Alonso, énte la entruga de la diputada d'IX, Concha Masa nel plenu d'esta mañana. Igual que yá fixo antes del branu, Alonso vuelve referise a que se va roblar lo más llueu. Masa demandó esplicaciones sobro cuándo y cómo se va a faer público, si lo va a esplicar na Xunta Xeneral énte l'interés demostráu de tolos grupos parlamentarios, si nél afítense oxetivos y cuálos son el indicadores yá que non solo trátase de cantidaes y númberos sinón d'afitar una inversión eficiente o si va coordinase col Plan de Ciencia ya Investigación.

El Conseyeru aseguró que tán peracabando aspeutos bien técnicos y que'l documentu va roblar en curtio y que ye un alcuerdu escelente pa la Universidá y va ser independiente del Plan de Ciencia ya Investigación.

Masa amosó la so esmolición énte les distintes versiones que nel mesmu día, el de la inauguración del cursu universitariu, ufiertaron tanto'l rector Santiago García Granda y el presidente del Principáu, Javier Fernández. El primeru llamentaba'l deficitariu financiamientu de la Universidá y el segundu se autofelicitaba pol contratu programa. Tamién porque trescurrieron dos años dende la firma del pactu de investidura d'IX col PSOE onde figuraba como un compromisu a desenvolver.

Alonso adelantró que l'alcuerdu pa los próximos cinco años amás del financiamientu por oxetivos o contratu programa, inclúi tamién l'aportación ordinaria de la institución académica, según la cofinanciación per parte del Principáu del 80% d'un plan d'inversiones n'infraestructures por un total de 10 millones. Esta última cifra y la de 10 millones pal contratu programa nun foi ufiertada na intervención parlamentaria sinón nuna posterior nota de prensa.

Volver

Compartir

2014 Izquierda Xunida d'Asturies - Política de privacidad - Política de cookies