Menu

El voceru d'IX reclama una alianza coles rexones colos mesmos problemes que'l Principáu pa llograr un sistema equilibrao y solidario

Gaspar Llamazares, voceru del grupu parlamentariu d'IX na Xunta Xeneral, espresa la so máxima esmolición pola perda de representación de la comisión de partíos sobro financiamientu autonómicu, xuníu a les conclusiones del informe apocayá conocíu de los espertos a nivel nacional. Llamazares considera qu'Asturies se xuega enforma nesti momentu, alredor d'un 70% del financiamientu y que ye'l momentu de dir más allá de los mesmos partíos políticos y de mirar por tola sociedá asturiana y pola del conxuntu de les sociedaes qu'esti país que quieren, amás d'un sistema autónomu, que sía un sistema equilibrao y solidario.

Llamazares refierse asina al abandonu per parte de Foro Asturies de la mentada comisión asturiana, que tien previsto axuntase de nuevu, mañana martes, a les 17 hores na conseyería de Facienda.

Gaspar Llamazares alvierte qu'ente l'informe de la comisión de experto “ Asturies xuégase enforma, xugamos el 70% del financiamientu de la comunidá autónoma”. Ye un informe con aspeutos negativos y, poro, el voceru d'IX reclama xuna respuesta clara per parte de la comunidá autónoma, “pero non una respuesta solo del Gobiernu, sinón del conxuntu de les fuerces polítiques y, más allá inclusive, de les comunidaes autónomes que tenemos problemes similares de dispersión, o de servicios públicos como los que tenemos n'Asturies, esplica.

“Nun ye'l momentu de la división, sinón de la unidá que vaiga más allá de los mesmos partíos políticos, de la sociedá asturiana y del conxuntu de les sociedaes que nesti país quieren amás d'un sistema autónomu que sía un sistema equilibrao y solidario”, conclúi Llamazares.