Menu

El voceru d'IX pide'l cambéu del esquema precarcelariu y de predominiu de la subcultura marxinal

Gaspar Llamazares reclama un modelo d’unidá terapéutica y educativa (UTE) d'atención nel centru de menores de Sograndio. El voceru d'IX na Xunta Xeneral, Gaspar Llamazares, demanda esti cambéu na manera de xestión del centru de menores pa favorecer la responsabilidá, la coxestión ya integración social de los mozos qu'ingresen y asina se-y preguntó al Conseyeru de Presidencia, Guillermo Martínez si pensaba introducir estos cambeos.

Cola respuesta del Conseyeru de Presidencia, aludiendo a que'l Centru de Responsabilidá Penal de Menores “Casa Xuvenil de Sograndio” dispon d'un “proyectu educativu específicu”, da la impresión de que'l Gobiernu quier pa Villabona la unidá terapéutica que refuga en Sograndio. “La respuesta nun puede ser más insatisfactoria porque vien dicir qu'en Sograndio hai un programa educativo y terapéutico y que nun ye necesario camudar el modelu”, asegura Llamazares.

Frente a l'argumentación del Executivu, Llamazares piensa lo contrario. “Sí ye necesariu camudar el modelu porque ye precarcelario y onde predomina la subcultura marxinal de la delincuencia”, alvierte. Al nuesu xuiciu, sigue'l voceru d'IX, ye necesario camudar el conxuntu del modelu de Sograndio por un modelu terapéutico y educativo, onde hai coxestión, corresponsabilidá per parte de los internaos y hai, sobremanera, una orientación de reinserción social y llaboral. El planteamientu de la UTE, esplica, tresformaría un ambiente nocivu construyendo un espaciu educativu, alloñando a los mozos de reproducir los comportamientos marxinales y delicuenciales que tán viviendo nel esterior. Trataríase, non de llevar a cabu un programa executáu de manera burocrática, sinón de desenvolver programes específicos para llograr un ambiente estimulante y receptivo, de convivencia que dexe desenvolver cualquier tipu de programa d'intervención.