Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

La Comisión d'Estudiu de la Probeza y la Desigualdá empecipia los sos trabayos nel Parlamentu

Marta Pulgar alvierte de que se trata d'un asuntu lo suficientemente importante por que la Xunta estudie la realidá y evalúe les polítiques sociales

Marta Pulgar, diputada d'IX, presidió esta mañana la primer xunta de la Comisión alrodiu la Situación de la Probeza y la Desigualdá Social n'Asturies. Esta comisión pretende falar fundamentalmente de la realidá social qu'esiste n'Asturies, visualizando la realidá de la probeza, una tema lo suficientemente interesante como pa que'l Parlamentu dedíque-y un tiempu al so estudiu y a la evaluación de les polítiques sociales que se desenvuelven na nuesa comunidá, en palabres de la diputada.

“L'oxetivu ye llograr el consensu y faer propuestes en positivu, como nos pidieron los colectivos que lluchen contra la probeza y la desigualdá”, esplica Pulgar.

N'Asturies más de 47.000 asturianos malviven con menos de 342 euros al mes, una realidá qu'hai qu'encetar, como asegura Pulgar. Según los informes de la Rede Asturiana de Llucha contra la Probeza nestos momentos esisten dos enclinos relevantes, como apunta la diputada: la de los y les trabayadores precarios, porque lo que ye güei tener un trabayu nun te garantiza nun ser probe y otra bien importante, la de les families monoparentales. “Nun podemos escaecer que la probeza tien cara de muyer y una muyer sola con fíos”, sostien la diputada d'IX.

La Comisión, creada a propuesta d'IX, diose plazu hasta'l 13 d'avientu pa proponer documentación y solicitar la presencia de comparecientes y empezar a trabayar en firme a partir de febreru del añu que vien.

Volver

Compartir

2014 Izquierda Xunida d'Asturies - Política de privacidad - Política de cookies